تعبتي من السمنه تعالي

هلاااا هلاااااا والله بمن جاااااااء
اتفضلوا اتفضلواااااا والله نور بيتنا قصدي موضوعي 😆 🙂

ايه صح القهوة اخذتني السواليف والترحيب اعذروني بس مافي حلاااااااا
لا تقولوا ليش عارفين البير وغطاه

اااااااااااه احس الحين جبتها على الجرح مثل مايقولون
اكيد كل وحده سمينه تقول اي والله جبتيها على الجرح لااننا نعيش في دوامة البحث عن الرشاقه

قالوا رجيم قلنااااا يالله قالوا وصفه قلناااا يالله قالوا حزام ينحفك صدقناااااا وقلنا يالله وحتى لو قالوا في نظاره تلبسينها وينزل وزنك صدقنااااااا ولو قالوا صابونه وينزل وزنك قلنااا يالله
ولمتى مع الخيل ياشقراء؟؟؟؟؟؟
ابي افهم وش دخل النظاره والعين في الوزن ولا الصابونه
ههههههههه

صدق من قال حريم……. كملوا الباقي
بس ادري والله معذورين من كثر ماصرنا نحلم بالرشاقه

طيب لو جلسنا ونفكر ( ايه اقلطوا وفكروا معي وطلعوا اللي في قلبكم)
ليش في ناس تقرر تنحف وتنجح وليش في ناس لاااا اكيد في سر بالموضوع
وش هووووو؟؟؟

وش تعتقدون انهم اخذوا نظام غذائي خارق كان مصمم لهم على الطلب
او عندهم وصفه سحريه
ولا جهاااااز
؟؟؟؟؟؟؟؟؟؟؟؟؟؟
هاااا وش تعتقدون ……….

انا اقولهاااااااا بصوت عالي والله عندهم اراده وعزيمه واصرار على تحيقق هدفهم بالاضافه لوضعهم خطة ناجحة امام عينهم واتابعهم لطريق نااااجح

بنات عارفه دايم كلامنا والله اتبعت الشي الفلاني ولكن ما نحفت سويت رجيم وما نحفت مدري ليش يااااااااااربي كذااا وبكااااااء وحركات عارفتها من اليوم و رايح اقنعي عقلك هالاعذار ماهي مقبوله

علينا بوضع نقاط مهمة للتحقيق الرشاقه 💡
1- لا للاعذار صحتي الاهم انا قادره على انزال وزني فلست اقل ممن استطاع ذلك.
2- لا للرجيمات السريعه فما جاء سريعاً يذهب مع الريح علي باتباع نظام صحي صحيح
3- لا للوصفات لانه لاتوجد خلطه سحريه تنقص الوزن ولو كانت موجوده لكن الكل استغناء عن عناء الركض حول الرشاقه ( يوجد بعض الاشياء المساعده للانقاص ولكنها ليست الحل الوحيد منها الشاي الاخضر- الزنجبيل – المرميه)
4- لا للكسل الرياضه واقلها المشي ثم المشي ثم المشي