تعانين من أثار حب الشباب و الإسمرار ! – ( تجربتي مع التقشير الأسباني ) بالتفصيل

أول شيء كانت مشكلتي هي في بشرة وجهي :
– بقع و اثار حب الشباب
– اختلاف لون البشره في الوجه يعني مثلا حول الأنف والذقن اغمق
– الوجه عموماً اغمق من الرقبه
– هالآت سوداء

ورحلتي مع البحث عن العلاج كانت :
إستخدمت كريم إكراتين + ألدكين
لفتره شهر واكثر يمكن
حصلت على نتائج مرضيه
بس للأسف من تركته رجعت بشرتي أسوء من أول
صار الذقن وحولين الأنف مره غامق و الوجه عموما في حال مزري
حاولت استخدم أقنعه و خلطات بس مايفيد أبد البشره تالفه

المهم تحطمت كثير 👿
وعرفت ساعتها إني محتاجه تقشير قوي وعند طبيب خبير
توكلت على الله وبدأت مرحلة البحث عن تقشير مناسب

رحت لمركز أيان الطبي الإستشاري
و بالتحديد عند الدكتوره نادية
ودفعت قيمة كشف : 100 ريال عشان أدخل عندها

شافة بشرتي وقالت إني محتاجة جلستين تقشير أسباني ( بارد )
+ جلسه مجانيه ( لأنه كان فيه عرض )

وقيمة الجلسة ب : 1000 ريال
قالت لي إدفعي 2000 كاش قيمة ( جلستين + وحده مجانيه )
اما إذا دفعت 1000 ثم 1000 لكل مره أروح جلسه بخسر الجلسه المجانية
توكلت على الله و دفعت 2000 ريال

* *

الجلسة الأولى :

حطت لي في يدي غسول اغسل فيه وجهي ورقبتي و اجفف مضبوط
حطت لي كريم شبه شفاف و وزعته بفرشاه على كل وجهي ورقبتي و شوي على الهالات السوداء
وخلتني لين ينشف على وجهي
وقالت لي ممنوع أغسل وجهي لمدة 10 ساعات
ماحسيت بأي ألم او نغزات كان جدا عادي وسريع ماكملت عندها 15 دقيقه وطلعت

المهم بعد 10 ساعات غسلت وجهي حسيته جدا مشدود واسود
بعد يومين تماماً بدأ التقشير حول الفم والأنف
تقريباً 5 او 6 أيام ووجهي خلص تقشير وبدأت استخدم الواقي لأنها حرصتني عليها

النتيجة :
وكانت نتيجه اوليه شبه مرضيه
ماراحت البقع بس صارت اخف والمناطق الغامقه ماراحت
بس بشرتي صارت ناعمة

* *

الجلسه الثانية :

* *

الجلسة الثالثة :

هذي صورته

* *
النتيجة :

لي الحين كم يوم بدأت استخدم الكريم بعد التقشير
والله يابنات نتيجة رووعه روعه روعه
بشرتي تفتحة مره والهالات السوداء اختفت بنسبة 85%
البقع اغلبها بقى شيء بسيط اختفى و لون بشرتي تجانست مع كامل وجهي ورقبتي
باقي شيء بسيط فقط عشان يكون تووووب

* *

الأثار الجانبية :

طلع لي قشور مع استخدام الكريم واحس بشرتي تحرقني
خصوصاً لما اغسل وجهي بالصابونه احس بطير من الحرقه
بس كل ماجيت اغسل اصب لي مويه بارده جداً في كاس
واغسل بها وجهي عشان يهدأ ويروح الألم

لين جيت احط الكريم احس وجهي يحرقني بقوه بس اتحمل واجلس قدام المكيف
وانا أوزع الكريم على وجهتي و رقبتي

بتلاحظين شوة تورم حول عيونك لا تخافين عادي يروح في شوي

بشرتك بتكون حساسه جدا
انتبهي من الحراره و الشمس و النار

وبس

ومازلت مستمره بالعلاج

* *