عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
كيفكم يااحلى فراشات
ان شالله بخير
حابة ادردش معاكم اليوم في نوعية المكياج من ناحية المكياج الثقيل والناعم
وكل مكان ايش يناسبة من طريقة وضع المكياج
وابغى كل وحدة تدخل تقولنا ايش وجهة نظرها
نفيد ونستفيد
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::
نجي لنوع المكياج فية بنات يحبون المكياج الثقيل خاصةً اذاكانت المناسبة قريبة لها او هي عروس اوشبكتها
مع انو انا ضدة تماماً خاصة المكياج اللي يقولون عليةالمميز( ما اواطنة بعيشة الله) ➡ 😐 (الناس اذواق )
انا مع المكياج اللي يبرز ملامح الوجة يعني يحلي مو يشين لاني احس الثقيل يخفي معالم الوجة واحسة
يشين الوحدة
مادري هذي وجهة نظري والناس اذواق
لاحظو الاجانب شلون مكياجهم جداً ناعم وتشوفينها تقولين تجنن ليش لانها ابرزت ملامح وجهها
وتعالي شوفي الخليجيات اللي مكياجهم ثقيل تقولين تخرع مع انها هي ملامحها حلوة بس خربتها بكثرة المكياج
وحنا با لجمال احلى من الاجانب لوخلينا مكياجنا معتدل وحلو وطبيعي بنطلع نجننننننننننننننن (قامت تتفلسف) ➡ 😐
(سوي تجربة)
جربي على نفسك خلي عين مكياجها ثقيل والعين الثانية خلي مكياجها عادي وناعم
شوفي ايت عين بتطلع احلى ؟؟؟؟؟؟
الاماكن:
الجامعة مكان العمل:
افضَل وضع واقي الشمس ومرطب شفايف وممكن كحل للعين مودايم فقط مااحط لاظل ولا بلاشر ولااي شي
لاني مااحس هالأماكن مناسبة لوضع المكياج
“””””””””””””””””””””””””””””””””””””””””””””” “”””
مسيار اومناسبة بسيطة:
ممكن احط ظل درجة وحدة وكحل للعين وروج وممكن بلاشر واحياناً بس احدد العين وروج فقط من غير ظل
يعني مكياج جداً بسيط وناعم
“””””””””””””””””””””””””””””””””””””””””””””””””” “””””
مناسبة زواج اوملكة:
احط مكياج كامل بس يكون معتدل وحلو يبرز الملامح مايطمسها
“””””””””””””””””””””””””””””””””””””””””””””””””” “””””””
وجهة نظري الخاصة واقولها باستمرار لزبايني
(كل ماكان المكياج طبيعي وغير مبالغ فية زاد من جمالك اكثر فاأكثر)
😆 🙄
ممكن كثير يختلفون معاي بالرأي بس اكيد في نسبة توافقني الرأي والناس اذواق
معليش اعذروني كلامي احسة مومرتب بس حبيت ادردش معاكم
يالله كل وحدة تسدح وجهة نظرها وايش تحب الثقيل او العادي
وكل مكان ايش تحب تحط فية
انشالله يعجبكم موضوعي ومايكون ممل
وووووسلامتكم
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::
