تعالي شاركينا باسم المستشفى الي ولدتي فيه

😎 مبروك لكل الي تمت ولادتها على خير وعقبال كل الاخوات الحوامل

اكيد فيكم الي سبق وولدت وفيكم الي يدوبها ولدت

هنا خصصت فكرة غير لكي نفيد بعضنا البعض كل وحدة حسب مكان اقامتها

كل وحدة تدخل تكتب لنا اسم المستشفى او العيادة او المستوسف الي ولدت فيه و المعاملة كيف للاطباء

والاجواء والنظافة كيف عاملة والاتمنة للعميلة القيصرية والعملية الطبيعية

وبكدا نكون وفرنا على اخوات كتير عناء البحت
واكيد لما اخت تدخل وتلاقيكي تشكري مستشفى او مستوصف و ان المعاملة مرة روعة والكل حلوين راح تتشجع وتطمن

مو ضروري تولدي في مستشفى وتدفعين تكاليف باهضة في مستوصفات وعيادات الولادة فيها مرة روعة وباتمنة مرة حلوة

لهدا اليوم احب من الجميع انو يشارك ويفيدنا

وابدا من نفسي انا مقيمة بمدينة جدة وصراحة حملي الاول دخنا سبع دخات وتعبنا من اللف من مستوسف لمستوصف ومن مستشفى لاخر

لكن بقول لكم انا ولدت في الاول مستوصف ادكر ان اسمه كان : مجمع عيادات نسيم جدة

مستوسف روعة نظافة ومعاملة طيبة والممرضات مادبات والطبيبة باكستانية والمستوصف مليئ ما شاء الله

تابعت معاهم من شهري التامن وولدت عندهم وكانت ولادة ميسرة بفضل الله وارشادات الطبيبة ومساعدة الممرضات الي كمان باكستانيات

و دفعت 1000 ريال بس والادوية من عندها وبعد النفاس رحت عندها واعطتني دش مهبلي من عندها

وكانت ادتني رقم تليفونها الشخصي كنت بكلمها في اي استشارة الي تبغى اعطيها رقمها تراسلني بالخاص

و اظن ان المستوصف هدا في شارع الستون جنب بنت الاهلي

و الان في حملي التاني بتابع في مستوصف جنب بيتي اسمه عيادات نجوم جدة فيها طبيبة مصرية الدكتورة
شيماء صراحة تضحك معي ودردنا و ارتحت لها وسالتها عن الولادة قالت المعاملات كلها بالمستوصف
لكن يوم الولادة ياخدوني لجدة الوطني
سالتها عن الولادة الطبيعية قالت بعد الخصم 2200 ريال

بعدين وحدة صحبتي ماخرا ولدت في مستوسف اسموا منصور الطبي الخيري الدخول للنساء فقط وفي مكان مخصص للرجال
صراحة كنت معاها لما ولدت فيه طبيبة مصرية ما تلاحقي تاخدي موعد من كترة الزحمة

اسمها فاطمة الزهراء وصحبتي ولدت في ظروف جيدة و النظافة والهدوء وكلوا مرة تمام
ولدت بي 800 ريال

وخرجت في نفس اليوم لبيتها ومرة تشكر الطبيبة عشان كدة قررت اولد انا بعد عندها

خصوصا اني تعرفت على الطبيبة و قلت لها بجي ان شاء الله اولد عندك وقالت الف مرحبة بيك

صراحة مرة طيبة والطلبات كتيرة عليها الناس تجي ساعة 3 و4 وما تلحق ماشاء الله

يا الله حبيباتي فيدونا انتوا كمان باماكن ولادتكم والمعاملات والاتمنة