عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم صبايا؟!
إن شاء الله كلكم تكونون بخير يارب
بنات بدخل بالموضوع على طول ، كلنا عندنا أمنيات أو أشياء نبيها وندعي ليل نهار عشان ربي يحققها لنا
أنا مثل كل وحده عندي كم شي متمنيته وأدعي فيه ليل نهار
المهم اليوم وحده من الدعوات أستجابت ومرررره مبسوطه ومن الفرحه ماسكه دموعي خايفه تطيح من عيني
الحمد الله يارب لا إله إلا أنت سبحانك أني كنت من الظالمين
أكيد كلكم بتقولو طيب وأحنا وش دخلنا بس أنا حبيت أنزل هالموضوع عشان أعطيكم دافع عشان تستمرو بالدعاء وماتخلو الشيطان يتمكن منكم ولا دقيقه
صح أنو إلى الأن ربي مامن علي وأستجاب لي كل دعواتي بس أنا واثقه أن هالدعوه اللي ربي أستجابها بتكون فاتحة خير وعندي أحساس أن ربي بشرني بهالشي عشان أتقرب منه زياده وأزيد الدعاء وأصير أقوى من قبل وماأيأس أبدا إن شاء الله وإن شاء الله ربي يحقق لي كل اللي أتمناه ويعطيني على قد نيتي أنا وكل المسلمين والمسلمات والمؤمنين والمؤمنات إن شاء الله
خلاص طاحت دمعتي
عشان يكون موضوعي له فايده بقولكم أنا وش الأشياء اللي سويتها بالظبط
1. تركت الأغاني ~> أسئل الله الثبات
2. التلفزيون نادرا ماأتفرج عليه ويارب ثبتني ولا عاد أعرف طريقه ~> أسئل الله الثبات
3. صرت بارا بأمي وأبوي أكثر من قبل وحتى لو زعلوني أو ظلموني بشي أحاول أني ماأناقشهم وأسوي اللي يبونه وأدعيلهم دايم بعد كل صلاه وفيه كل وقت أدعي فيه أدعي لهم ~> أسئل الله الثبات
4. صمت الست من شوال + العشر من ذي الحجه (ويوم عرفه طبعا) وأحاول أصوم الخميس والأثنين والأيام البيض
5. الصدقه
6. قراءة القرأن يوميا ماأقرأ سوره معينه لا أفتح القرأن من أوله وأقرى وكل يوم أكمل يعني مثل مانختم برمضان
7. أستغفر وأسبح وأصلي على نبينا محمد (صلى الله عليه وسلم) مو بعدد معين كل ماجلست وماكنت أسوي شي أستغفر وأسبح يعني أذكر الله في كل وقت سواء تسبيح أستغفار دعاء كل شي
8. قبل لا يجي موعد الصلاه أكون متوضيه ومحضره نفسي للصلاه وكمان أحيانا أقرأ قرأن
9. أول مايأذن أترك اللي بديني وأسمع الأذان بعدين أقول
(اللهم رب هذه الدعوه التامه والصلاة القائمه أت محمدا الوسيلة والفضيله والدرجه العالية الرفيعه والمقام المحمود اللذي وعدته)
وبعدين سيد الإستغفار ( اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت )
وبعدين ( اللهم إني أسئلك بأني أشهد بأنك أنت الله لا إله إلا أنت الواحد الأحد الفرد الصمد اللذي لم يلد ولم يولد ولم يكن له كفوا أحد ……….. وتبدأي تدعين باللي تبينه)
أنا أدعي (اللهم إني أسئلك أن تغفر لي ولوالدي ولأخوتي وأهلي وجميع المسلمين والمسلمات والمؤمنين والمؤمنات الأحياء منهم والأموات )
وبعدين (اللهم إني أسئلك رضاك علي وعلى والدي وعلى أخوتي وأهلي وعلى جميع المسلمين والمسلمات والمؤمنين والمؤمنات الأحياء منهم والأموات)
بعدين (اللهم إني أسئلك الجنه وماقرب إليها من قول وعمل وأعوذ بك من النار وماقرب إليها من قول وعمل) ~> أكرررها دايم
بعدين أدعي بالأشياء اللي أبيها وأختم دعائي بالصلاة على نبيبنا وحبيبنا محمد ~> صلى الله عليه وسلم
وكمان في السجود والركوع أدعي
وأدعي في كل وقت وفي كل مكان وقبل لا أنام وأول ماأقوم من النوم وطول اليوم وكل حياتي دعاء
طبعا يابنات تدرون وش أهم شي؟! تكوني مؤمنه إيمان كامل بأن ربي هو الوحيد اللي يقدر يعطيك الي تتمنيه وتكوني تدعين وأنتي واثقه بأن ربي بيستجيب دعائك إن شاء الله
وماشيه على الحكمه اللي تقول (الشكوه لغير الله مذله) يعني ماأشكي إلا لربي وأجلس دايم خصوصا بأخر الليل أشكي له وأدعي
وأيه صح أحاول أني ماأفوت صلاة الليل وصلاة الضحى وكمان أحاول ماأأخر أي صلاة
بنات ربي يحب يختبر عباده يعني ممكن دعوتك تتأجل إستجابتها بس لا تيأسون أبد بالعكس زيدي بالدعاء والعباده وخليه دافع لك وحطي في بالك ربي قاعد يختبرك يعني أعطي أحسن شي تقدري عليه تفوقي وكوني من الأوائل
وترى الشيطان بيجي كل شوي يلعب على عقلك عانديه وزيدي في العباده كل ماوسوس لك قومي توضي وأقري كم صفحه من القرأن وأن رجع مره ثانيه قومي وصلي تهجد وخليه كل مايجيك زيدي بالعبادات والدعاء والأستغفار والتسبيح
ولا تتركين له أي مجال ، وأنا متأكده أن كل وحده منكم يجي لها الشيطان ويقولها( شوفي فلانه أقل منك في الدين وعندها كل اللي تبيه) ~> أنا دايم يوسوس لي بهالشي
أنتبهو يابنات لا تستسلمو له وأن وسوس لكم زيدو بالعباده مثل ماقلت لكم
وكمان دايم رددو ٧ مرات (حسبي الله لا إله إلا هو عليه توكلت وهو رب العرش العظيم) ~> أنا أقولها بالصباح أول ماأقوم من النوم وإذا نسيت أقولها وأنا رايحه الجامعه
وحتى لما مايكون علي صلاة ماأترك الدعاء ولا الإستغفار وأمشي على نظامي والشي الوحيد اللي يختلف أني ماأصلي وحتى قرأن أقرأ
وخذو هذا موقع تقدرين تقرين فيه قرأن
وهنا تقدرون تحملون القرأن بصيغة الفلاش على أجهزتكم
وبس وترى أنا مانزلت الموضوع إلا عشان تستفيدون ، واللي مسجله بمنتديات ثانيه ياليت تنقله عشان الكل يستفيد
وأنا ماأبي تذكرون المصدر موب لازم بس هذي أمانه فأتمنى أنكم تنقلون الموضوع بدون تحريف أي كلمه
..
إن أصبت فضل من الله و إن أخطأت فهو مني ومن الشيطان
