عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف حالكم ياحلوات؟
جمعة مباركة علينا وعليكم ان شاء الله
بنتوتات انا استخدم عدسات طبية (نظر) من سنين بس هالسنة عيوني تعبووو وايد واحس بحرقة فيهم وفيهم شوي احمرار وبشرة عيني السفلية صار فيها تقوس يعني دخلو على داخل شوي اللي يجوفني يقول شو فيها عينج تعبانه وايد ليش؟ … قلت لنفسي يا بنيه انتي دخلتي في العشرينات من كم سنة يلا سيري سوي عملية ليزك او انترا ليزك على حسب شو بيختارلي الدكتور اللي يناسبني لاني يأست وتعبت ومضايقيني…
سويت وايد خلطات بس احس نسبة التحسن قليله جدا لاني كنت البس العدسات يوميا كالعاده ولما ارجع من الدوام اشيلهم وابدا بخلطاتي قلتلنفسي يابنيه يمكن عيني تشبعت من المحلول من سنين استخدمه وعيني تعبت منه ومن كثر لبس العدسات بعد.. وقررت اني مالبس العدسات وقلت بكمل علاجي البيتوتي من غير لبس العدسات وصارلي كم يوم اروح الدوام عمية وانا ماحب البس النظارات الا بالبيت مب حلوين علي مع انهم على الموضة:D…. والبسهم لما اسوق اما لما انزل من السيارة اشيلهم 😡 🙁
بالمرة بخبركم عن علاجي :
اغسل عيني بماي ورد
واستخدم اثمد
ومسوية مغلي البابونج مع ماي احطه كمادات على الجفون بقطنة مدور..
ومسوية مغلي حبة البركة كمادات للعيون بعد..
مغلي الخس وماي ورد وشوية ماي عادي كمادات بعد…
مغلي النعناع…
غسول طبي من الصيدليه مع حمام للعين
وغير الطعام اللي يدخل جسمنا …
صرت اشرب ليمون في موضوع انا نزلته عن الليمون ججوفوه تحت…
واكل عسل مع حبة البركة بين فترة وفترة ..
واحيانا ابلع فص ثوم اخيييييييه استحمل غصب والفصوص اللي عندنا كبيييييره اقطع فصة قطع صغاااار
وابلعهم مع ماي….
وخاطري اكل تفاحه كل صبح هذا مشروع جديد بعدني ماسويته
وخاطري اشرب عصير جزر مرة جربته بس من غير سكر ماقدرت استحمل طعمه ماعجبني بس ناوية لالقي حل لشربه
هههههههههههههه كله في سبيل عيوني فديتها العيون غاليه والله
بعد كل هالقرقره بغيت اتناقش معاكم عن الشمر اللي اهوا الكموووووووووووووون سمعت انه غسول زين للعيون يشل الالتهابات ويشفي العين المرهقة …
بغيت اللي جربوووو يكتبو تجربتهم ولهم مني دعوه <<<دعواتها مستجابة ترى هههههههههه
ملاحظة : انا اريد عيني تصير مرتاحه قبل لاسير المغربي في بوظبي عشان ابدا باجراءات العمليه ولو بعدها تمت تعبانه لين مااسير المغربي مب مشكلة الدكتور راح يعالجها قبل لاسوي العمليه و …لان اعتقد ماراح يسويلي عمليه وعيوني محمرة وتعبانه …الا لما يعالجها الاول بعدين بسوي عمليه وانا مافيني على المواعيد روحي تعالي وتعالي روحي ودرب لين بوظبي ابى ابدا باجراءات العمليه على طول
يلا اتريا ردودكم والفائدة رح تعم الجميع ………
