عالم البنات النسائي كل ما يخص المرأة العربية من ازياء وجمال والحياة الزوجية والمطبخ
url=http://www.0zz0.com]
ازيكم يا حلوين النهاردة جيبالكم غدانا والتحدي اللي اتحديتو
انا وماما في البشاميل
تعالو نشوف
المقادير بتاعت البشاميل بتاعتي
3 معالق سمنة
3 دقيق
بيضة
بشر جوزة الطيب
لحمة عصاج مبشور عليها جوزة الطيب
لبن
شوربة
طبعا مكرونة مسلوقة
نسيح السمنة ونحط الدقيق ونقلبهم كويس لحد ما تديها اللون الذهبي
نضيف اللبن مع استمرار التقليب ونضيف الشورة لحد ما تدينا السمك اللي عايزينه
بعد كدا نضرب البيضة فيها بعد ما نشيلها من علي النهار ونقلبها بسرعه عشان
البيضا بتاع البيضة هيتقل شوية وده اللي عايزاه ف البشاميل بعد كدا نبشر جوزة الطيب عليها
نحضر المكرونة ونقلبها في شوية بشاميل ونرص جزء في الصينية ونضيف اللحمة ونرص الجزء اللي فوق
من المكرونة سامحوني مصورتش الخطوات مش بعرف لاني بتلبخ جداااا
تعالو شوفو بقي مكرونة ماما
المقادير
5 بيضات
4 سمنة
5 دقيق
شوربة
لبن
بتسيح السمنة وتحط الدقيق وتقلبه لحد ما يكون لون اصفر شوية
وبعد كدا بتضيف الشوربة وتقلب
وتضيف اللبن وتضرب البيض في طبق خارجي ولما تبرد البشاميل تضيف البيض
وطبعا بتخلي البشاميل سمييييييك
وتقلب مكرونة مع البشاميل وبيكونو كتير
وترص في الصينية عادي وبعد كدا بتحط كميشة بشاميل من فوق كتير وتضرب بيضة من علي الوش
البهارات مفتوحة يا بناتكل واحدة زي ما تحب
نيجي بقي للملوخية
المقادير
ملوخية مخروطة كويس
راس توم
كسبرة ناشفة مطحونة
شوربة
الطريقة
نخلي الشوربة تغلي وبعد كدا نحط الملوخية ونقلبها ويادوب ع النار حبة صغيرين خالص
يعني ماتغليش نهااااائي
نفرم الثوم مع الكسبرة والشطة قليلة ونحمرهم في سمنة بلدي او اي سمنة او زبدة
لحد ما تصفر وتروحي حطاهم ع الملوخية اللي شيلتيها من علي الناااار متنيسش الشهقة
ههههههههههه ممكن تخرطي مع الملوخية عود نعناااع
البطاطس في الفرن
المقادير
بطاطس ترانشات
لبصل حلقات
حلقات من الفلفل الرومي
حلقات من الطماطم
بهارات مفتوحة
شوربة
الطريقة
بايدك ومع الملح والفلفل الاسود واهرسي البصل لحد ما يتمزج مع البهارات دي
حطيهم في الصينية مع الطماطم والفلفل
والبطاطس وحطي فيهم شوربة
وممكن تضيفي اليها الفراخ اواللحم
ده عملتها سادة من غير حاجة لان اللحمة كانت مسلوووووقة
نيجي بقي للبتنجال المخلل طبعا عايزين حاجة جنب الاكل تفتح النفس
بس ماما عملته البتنجال الصغير المكعور ده
فتحته اربعه وقليته في الزيت
والتتبيلة كانت
توم فلفل احمر
خل ليمون
مكعب طماطم صغيروفرمتهمكويس وحشيت بيه البتنجال كان رووووووووووعه
وريحته تحفة 
يارب يكون الغدا عجبكم
معلش نسيت اصور لسانالعصفور والارز واللحمة
الاكل جهز وطبعا شمرت ساعديه
ههههههههه
