عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
أولا شاهدي طريقة الاختيار المثلى بالفيديوووو
فعلا مثل ماتوقعت الاغلب يجهل الستيان وكيفيه اختياره
وهالشي تاكد من استفساراتكم من موضوعي الاول فقررت اصور لكم بما ان خبرتي
اصبحت مهاره اساعدج فيها قريباتي حتى من حولي لان الستيان انا عانيت منه الا انا تاكدت وعرفت ان القياس
بالرقم والمقاس من حيث الكب والمحيط وعلى اساسه تتحدد ستيانتك
نبدا من خلال 18 ستيانه عرض وتوضيح شالنوع الافضل وش النوع اللي بعرضه وللاسف تندمت لشراءه مع اني احسنت المقاس
ولكن تفاجات بعيوب التصميم والقماش
اللي بينعرض لكم من 4 محلات وقع عليه الشراء
لاسنـــــــــــــــــزا
نعومـــــــــــي
ومن سيكرت
سيتي ماكس
لوف انذ روز
هذي لاسنزا بدون مناززززززززع بديت فيها لاني فعلا مقتنعه انها الافضل من مشترياتي من بعد وحده بتتفاجاووون اني شريت منها الوان وايد
والخامه خامه ستان لانو ماراح يلزق فيها اي لبس او ستايل مال الخرجه والمسيار فهمتوا علي
وشوفوا معاي من الخلف وهنا مربط الفرس الحشو من الاسفل المخصص لابراز الصدر يعني الى الصدر مقاس 36 يعني مديم هالموديل يخدمهم
لابراز الصدر عالبلايز وبيطلع استايل روعه
الصدر فيها يصير بارز للعلى والقصه مقابله لبعضها
وهنا عشان تشوفون مستوى الضغط بالاسفنج والسيم او الحديد مالته واضح
رقم 2——
لاسنزا بس لاحظوا انا قلت لكم في اشياء تندمت هذي من لاسنزا بس للاسف مستوى الضغط عادي جدا
ومو مريح والسير مافي خدمه انه يطول وانا ماحب الستيان طايره من ورى جنها بتوصل للجتوف لانو اذا الستيان جذي ماراح يدوم بيصير
يطير السير بعد وتصير الستيانه ترتفع عن الصدر من تحت وماتعمل بعملها الازم
المهم كيف تعرفون ؟؟؟؟؟؟انها رديئه عموما انا غلطت وغرتني الالوان ولاهي بريال ماتنبغى وخليتها عمليه للبيت تحت البجايم والجلابيات لاني ماحب اطلع والمحيط طاير
للجتوف مدري سبحان الله مارتاح احس اني مالبست شي هههه والله ماحب
تعرفون الله يسلمكم الخامه الخامه هذي خامتها تخيلوا قماش مايتمطط فهمتوا يعني اهم بعد دلوخ شحقه يصممون محيط الصدر بخامه ماتتمدد عيل شلون تمسك محيط الصدر
مثلهاااااااااااااااااا مثل شنو مثل التل بكيت وايد وايد مثل ماتعرغون التل في نوعيه منه ماتمدد واتذكر اكتشفتها ايام اول جامعه رحت شريت وتفاجات بس الحمدلله الاستكر ماقطعته ورجعتها بس للاسف رجعت كررتها بتجهيزي
وبراويكم شكلها لانو بالمحل جربي شديها وشوفي لانج انتي بتسحبين المحيط وتسكرينه معناه الخام لازم يتمطط
المهم لايغركم الشكل مثلي
وهذا شكلها وللاسف العيب الثاني موديل انها حشوتها تطلعععععع من الستيان يعني انو فيها صفه حلوه انو الاسفنج الداخلي يطلع تغسلينه وتردينه
اذا جفتوا هالنظام ارميها ودوريلج غيرهاااااااااااااااااااا شحقه تطلع مواصلا احنا مانلبس الستيان بالحشو الا بالخرجات يعني نلبسها على نظافه ووشلون بيوصل الوسخ للاسفنج الداخلي
يعني خدمه مو وايد بس يضيع عليج الاسفنج وتقعدين بدون حشووووهههههههههههه
الصدر فيها رسمه عاديه
معليش حاقده لاني مقهوره شريت 3 تخيلو كان عرض 3 ب130 ريال تهي تهي تهي
رقم 3—-
خساره طلعت مقلووبه
هذي واااااااااااااااااااااااااااااااااو واووووووووووووووووووووووو خيال خيال وعندي كل الالوان ومرات مانتظرت الخصم
اخذتها بسعر 130 بس لانييييييييييي للامانه ماستخسر فيها ريال
بنات شقولكم عنها بدعه صراحه لج وللزمن وخل تيي وحده تحاجني فيها انتي ماعليج الا من تشترينها تنزلين سيروها يعني تطولينها وبس …
وبعد جذي البسي ونزلي ولاعليييييييييييييييييج خيال شكل ومفعول وقناعه بالشكل
لانها سحر وعمليه وكثير نصحتهم فيها
تدرون والله من شده اعجابي فيها بلاسنزا اقول لاي وحده توقف عندها وماتردد –اختي تراها جنان لاتطوفج شريت الوان منها
وحتى هم طلعوا فيها كذا نوع لدرجة انهم صمموا فيها سلوك لامعه من بين الدانتيل صايره كانها دانتيل فرنسي بس السر وين المحيط مايتوسع ابدااااااااااا
وقصتها خيال
وتبرز الصدر
ووفيها حشوه جانبيه المخصصه لابرازه من الجانبين
يعني الصدر فيها ملموووم
واعجز في مدحهااااصراحه وبتلاحظون اخذت شله منها وكررت الاسود والبنفسجي لانكم لو تلبسونها واثقه انكم ماراح تكتفون حتى بثنتين ههههههه
رقم4—
هذي نفس رقم 3 انسوا تشترونههااااااااااااااااااااااا تهي تهي هذي من ضمن عرض اشتر 3 بسعر واحده تهي تهي ياخساره 130
رقم5—
وهذي الثالثه تهي تهي واشوا ماعاد في نكد من ناحية لاسنزا ههههههههههه بس هذي صدمتي منهم ولله الحمد وعرفت لهم خلاص هههههههههههه
رقم 6—
هذي روعه وقصه يديده بعد ترا لو تلاحظون شكل الكب مره حلو عالصدر بنات شفتوووها غير عن اللي راحت كلهم واسفنجها كامل على مستوى ابراز بس ملاحظتي لهالتصميم
يصير صدرج يتحرك حتى مع الجوانب يصلح لنوع معين من الملابس فهمتوا علي
رقم7—-
ههههههههههههه عرفتوها اخت الحمراء اللي احبها اقولكم سحر مو ستيان ههههههههههههههه
رقم8—-
واووووووووووووووووو ومن سيكرت بدعه بدعه بس الصوره غريبه مخليه الكب طويل هههههههههههه يمكن ماشديتها وانا اصورهااا ههههه المهم خيال
ضغط حشو من الاسفل بدعه واصلا هالمحل كله خياااااااااااااااااااااااااال وخصوصا اللي بالحشوووووووووو بس انتوا ابتعدوا عن القطن لانها ماتصلح على ملابس الخرجات
فهمتوا بتلزق فيها واضح اتوقع شرحي ههههههه
رقم9—-
عرفتوووها اخت الحمراء والموف بدعه بس هذي غيرها حطوها زي الدانتيل الفرنسي فيه سلوك فضيه خوقاقيه
ولاسنزااااااااااااا ابدع فيها لانها اعتقد الاكثر مبيعا ..>>بسببي اكثر مبيعا ماخليت احد مامدحتها وشرو مثلها ههههه وهذي ماختها من الخصم لاني خفت يطير مقاسي
