تعالوا يابنات قسم بالله انكم ترفعون الضغط مليووون

السلاااام عليكم ورحمة الله وبركاااته

أولاً لاوحده تعصب علي عشان العنوان لأنكم مابعد سمعتوا شي < البنت فايره فور الله يستر
😀

اسمعوا يابنات يالي على وش قواز والي متزوجه بعد ترى ارتفع ضغطي وضاغوطي من مشاكل الحريم < وشو الضاغوط ذا 😆 hy:

كل وحده تجيني محمله بقشتها شكاوي وبكاوي من زوجها وتطلّع الرجال غلطان من راسه لساسه هذا إن بقت له ساس من الأساس 😆 🙂

ولاجيت أسألها عن حياتها الشخصية معاه قالت هـء < ترا ماهنا شرب مسكرات والعياذ بالله إنما هذا تعبير ساخر 😆

ايه اكمل لكم قالت هــء ماعاد الا هي أغير ملابسي قدامه والله ماقد شاف جسمي كامل 😉 .. هــء < وحده ثانية .. ماعاد الا هي اجري واحضنه وأبوسه لييييييييه فلم تركي 💡 .. هــء < ثالثه .. ماعاد الا هي اقول ياحبيبي جيب لنا سكر زي دمك وقشطه مثل قلبك وعسل زيك .. هـء << ياليل الهئات .. ماعاد الا هي اسويله حركات بايخه واحنا مع بعض في عالمنا الخاص >> 😐 << غمضوا عيونكم يابنات 😛 ..

هابالله علميني يالمستحية الوقور هو ليش متزوجك 😥 .. بس عشان تطبخين وتغسلين وتجيبين عيال .. ها مدام هذي فكرتك أجل لاتزعلين منه لااعتبرك خادمه ومربية بس ..

ابغى أعرف وأعذروني على جرائتي لكن قسم ودي مصلحتكم .. أبغى اعرف هالحين بعض البنات مايستحون يخصرون العبايات لين يبان الكو والماكو ويتغنجون في مشيتهم في السوق قدام الهندي والسندي .. وانتِ يالمتزوجه تستحين ترقصين قدام زوجك بملابس فاتنه ➡ ..؟؟

الحين .. بعض البنات الي نسمعهم بالتسجيلات تتغنج وتضحك وتقول كلام نذوب له احنا يالبنات .. وانتِ يالمره تستحين تقولين لرجلك حلالك .. ياحبيبي ياعمري فديت قلبك وعيونك وروحك ➡ …؟؟؟

الحين انقلب الحلال حراام والحرام حلال .. ؟؟

بالله باسألك إذا ماأشبعتي زوجك بكل مايحبه ويرضيه بالحلال والشرع وين تبغينه يروح 😆 🙂 .. إذا مايلمسك إلا وقت ذيك الحاجه وخبط لزق في الظلام وين تبغينه يفرغ طاقته المكبوته الي يحلم ويتلهف ويتمنى إنه تسويها 👿 ..

ياحريم طقيتوا راسي ترا < تكفين يالمعصبه 😉 .. اقربي من زوجك يقرب منك .. وخري اسلوب النكد واللوم والخصام عن حياتك وبدليه بحب ودلع وتسامح وطيبة قلب ..

لاتاكلين إذن زوجك بالمشاكل وأهلك سوو وأمك قالت وأختك فعلت ولاااااااااااااااا طق صدره قلتيله يالله ننام 😉…!!! بالله وين يجي النوم وكيف يرتاح في نومته معاك ويريحك وانتِ مليتي قلبه بالهموم ..

وكللللله كووووووووم والطلبات كوم ➡ .. ماجبتلي ما اعطيتني فلانه زوجها اعطاها .. وفلانه عندها راتب .. وفلانه اشترت .. وفلانه خذت ..

قسم لو اني رجال لا اتزوج كل يوم وحده واطلقها لين اربي نسوان العالم 😳 < كففففففففففففففففففف

نصيحتي ياعراااااااايس حبوا أزواجكم وحببوهم فيكم .. نكد النسوان ابعدوه عنكم .. وعيشوا مع أزواجكم في تبات ونبات وخلفوا صبيان وبنات .. وقد ماتعطينه بيعطيك .. لاتصدقون كلام الحريم .. والله الرجال بيبي ويمكن اصغر لالبيتي احتياجته دورك دواره بكل مكان

والي ترجع تقولي استحي اسوي واقول توخر عن وجهي لا أجيب لها خيزرانه من الي تحبها وارسم على جلدها خطوط الطول ودوائر العرض عشان ذاك الساع تستحي من قلب 😉

<< والله مدري عن الي تنصح وش بتطلع أفاااااااااااااااااااااا 😆 🙂

وسلامتكم والمعذره إن زليت وتعديت والله لأني اتمنى تعيشون سعيدات لأن هذا الشيء الي يحبونه الرجال

تمنياتي لكم بحياة زوجية سعيدة وبذرية صالحة معافاة .. وأن يرد كل وحده لزوجها ويرده لها رداً حسناً

ودعواتكم الطيبة لي بالتوفيق والصلاح

😡