عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم انشاء الله تكونوا بخير
تعالوا نتخيل هالموقف ونبني عليه الموضوع :
جالسه ببيتكم بأمان الله وحفظه
طق الباب فتحتوه دخل رجال وحرمه ،، الرجال قلط عند أبوك
والحرمه راحت لقسم النساء
تقهوى واللي منه وبدأ يدخل بصلب الموضوع ،،
فتح صندوق وبدأ يتكلم ويطلع من الاوراق وابوك مندهش ومستغرب
من الكلام اللي قاعد يقوله الرجال (( فلانه بنتناوعندنا مايثبت .. وللاسف ان المستشفى غلط واعطاكم
بنتنا))
أبوك ثارت ثائرته وقال مااصدق هالكلام الين نسأل المستشفى
المشكله ان الرجال جاب يوم ميلادك وساعته واسم المستشفى وبالاوراق
راح ابوك والرجال للمستشفى وقابلوا مدير المستشفى وتكلموا معه
المهم ماراح يقتنع ابوك الا بفحص الـ ( D N A )
وجا موعد النتيجة والمصيبة (( طلعتي للعائلة الجديدة ))
هالموضوع اقتبسته من الحوادث الي صايره تتكرر ..
سؤالي ؟؟؟
موقفك من هالموقف لوصايرلك هالشي ؟؟
وكيف بتعيشين حياة جديدة مع ناس جديدين عليك ؟؟dad
كلمة توجهها لـ (( وزير الصحة )) وكل مسوول عن هالموضوع ؟؟
طبعا النقاش مفتوح
ابغى اشوف تفاعلكم
