عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا بنات
مساء الخير صباح الخير كل واحد على حسب وقت دخولهاا
المهم
انا شفت في منتدى هذي الخلطه وعجبتني كثيره والبنت تنصح فيهاا وكل اللي ردوا عليها يمدحون فيهاا
طبعا انا للحين ماجربتها بس بجربها في الاجازه ان شاء الله مابقى شيء كله شهر ونعطل :de11
المهم هذا كلام البنت حرفياا
السلام عليكم ورحمة الله وبركاته
كيف الاخوات جميعا
جايبه لكم خلطه من شهرين ودي احطها بالمنتدى علشان الكل يستفيد بس كنت صابره اللين كثير من جماعتنا يجربونها والحمدلله كل من جربها ظبطت معه والكل يدعي لصاحبة الخلطه
واول من بدا فيها ناس من جماعتنا على بناتهم الصغار بس كانت شعورهم اسياااااااام مساكين يعني مرررررره خشنه ولما ظبطت اختي قالت لوحده من صديقاتها واتصلت عليها تقول سويتها لي ولبنتي وصارت خياليه وزوجي يدعيلك لاني صرت اقوم مافيه كشه واتروش ماحتاج سشواربعني نعومه خيال واليوم بنت اختي عطتها صديقتها وبتسويها امها لها قبل العيد
حلو الكلام
واللي احلا ان الخلطه طبيعيه100%
وابدا لكم بالمقادير ……
جيبي من العطار
نص كيلو عفص
وثمن كيلو حديديه
و3 ملاعق حنا
و2ملعقه ملح
و2ملعقه مسمار
نجي للطريقه……….
ناخذ نص الكيلو العفص ونحمسه مع زيت كنك تقلين بطاطس اذا تفقش واجتمع على بعض يشخل وتبردينه وبعدين تدقينه بالنجر
وبعدين ندق الحديديه ونحطها على العفص ونحط فوقهم الحنا والملح والمسمار طبعا المسمار مطحون
بعدين نعجنهم بالماء اللين يصير مثل حنا الراس يعني لاسائل ولا جامد
والحين نجي وشلون نحطه…..بس فيها انا الخلطه تخلي الشعر اسوووووووووود مره تراني قلت لكم…. واتوقع كثير اللي يبون شعرهم اسود خاصه انه الموضه الحين
اول شئ الشعر يكون مغسول ومسشور سشوار مرره زين وبعدين
يوزع الشعر خصل ويوضع على كل خصله من الخلطه ونجررها باليداو بمشط ناعم
واذا خلصتي من الشعر كله اقسميه لنصين وسويه على شكل طاقيه
اتوقع الكل يعرفها واللي مايعرف انكم تقسمون الشعر نصين وتودين القسم اللي من اليمين لليسار واللي من اليسار لليمين
انشاءلله واضح الشرح
وتخلينها على شعرك لازم لازم 24 ساعه
وتعالي شوفي النعومه خيال حتى للي شعرها كشه ومنفوشه
ويقولون اللي ماتنفع معها من اول مره تسويها بعد اسبوع مره
ثانيه بس الكل اللي جربوها من جماعتنا نفعت من اول مره
وتراني قلت لكم ترا الشعر يصير اسود
انا ماجربتاها لان شعري الحمدلله ناعم واي سؤال انا حاظره واتمنى للجميع شعور ناعمه وخاصه بنياتكم الصغينونات اللي يفرحون ان شعورهم تصير ناعمه وحرير
هذا كلامهاا عاد انا دخلت راسي هالخلطه ولازم اجربها انتم بعد جربوها خصوصا انو فيه بنات مدحوهاا كثير وبعضهم يقولوا بعد تطول الشعر الله اعلم ..
جربوهاا وقولولنا النتااايج………………..
