عالم البنات النسائي كل ما يخص المرأة العربية من ازياء وجمال والحياة الزوجية والمطبخ
http://www.satfrequencies.com/girls/images/up/1307107365205774933.jpg
شيش طاوق بالنكهه الهندية (طريقه مبتكره)
الله يسلمكم من يومين اشتهينا الغدا مشاوي … لكن كان بخاطري يكون بنكهه جديده مثل النكهات اللي يقدمها مطعم “مغل محل – الكويت” فسويت الآتي قررت اني اتبله بالتتبيله الهنديه وكانت النتيجه واااااااااااااااااااااااو
اعجبت الاهل واكلوه وانشالله اليوم الوالده ناويه تسويه مره ثانيه وبنفس طريقتي فقلت اكتبه لكم حتى ترجبونه
لانه انا شخصيا مليت من الشوي بالنكهه المعتاده.
ما اطول عليكم بالحجي واخليكم مع الطريقه والمقادير
المقادير:
كيلو دجاج مقطع ( مع او بدون عظم ) ويفضل بدون عظم وشقف (طبعا مغسول ومنظف)
التتبيلة الاولى: ( تخلط مع بعض)
3 ملاعق كبيره زيت
ملعقة صغيرة فلفل اسود
ربع ملعقه كركم
1 ملعقه كبيرة خل
2 ملعقه كبيرة معجون طماطم
ربع ملعقه فلفل احمر حار (اختياري)
التتبيلة الثانية: ( يتم هرس الطرشي بالماكينة ونخلطه مع الزبادي )
نص علبة مخلل / طرشي هندي ( اما مخلل المانجا (نسميه بالكويت عمبه ) او الكاري او الليمون والفلفل او اي نكهه تفضلين وتلقين هذا النوع من المخللات في قسم المخللات والطرشي في السوبرماركت او الجمعية ويكون في علبه حجم وسط بلاستيك او زجاج ويكون فيها قطع الطرشي مع صلصة كاري ثقيلة وسعرها اقل من 750 فلس كويتي).
نص علبة زبادي زبادي
الطريقة:
بعد تنظيف وتقطيع الدجاج يخلط بالتتبيلة الأولى ويترك مدة لا تقل ساعتين ( ويفضل ليلة كاملة)
بعدها نضيف خليط التتبيلة الثانية ونتركه منقوع مدة لا تقل عن ساعه
بعدها نغرز القطع بالسيخ الخشب ونبدا بالشوي (اما على الفحم او الشواية او الفرن)
ونبدا بالشوي
مهم : نكون حاطين جنبنا كمية من الطرشي المهروس ونمسح على الدجاج واحنا نشوي ، طبعا اذا كنتي ما تحبين الطعم القوي للطرشي ممكن انك تلغين الخطوه هذي .
وحتى تتكتمل النكهة الهندية تقدمينه مع رز مطبوخ ببهار الكاري او الكركم
صدقوني لذييييييييييييييذ لعشاق للي يحبون المطبخ الهندي
وبالعافية
.
