%% تعالوا شوفوا ايش صار معاي بطواريء العسكري %%

كيفكم كرووووشآآآآت

أنا هذا أول حمل لي ومن حملت وأنا مهبلة باللي حولي وخاصة زوجي

ودايم أوسوس وأخاف على اللي في بطني ويوم الخميس كانت نفسيتي زفت ❗

وكنت أوسوس وأقول ما أحس بالجنين يتحرك ومادري عنه لي شهر ماسويت سونار

وقلت لزوجي بسوي سونار رفض وأنفجرت أبكي 😥

وجاء الجمعة وكله نوم وبكاء أبغى أتطمن ومابقيت حد من اللي أعرف من الحريم

من قرايبي غير وكلمتهم ونفس السؤال عادي الجنين بالشهر السادس حركته قليلة

وكلهم يطمنوني لكن الشيطان تفوق ولعب براسي لعب ويوم جاء زوجي من الدوام

قلت ماعلي اليوم بروح وأسوي سونار فقال يبغى يعجز فيني نروح لطواريء العسكري

يبغاني أبطل 😆 🙄 قلت عادي أهم شي أروح ويوم جينا نطلع كأني حسيت بشعور

يقولي لا بس ماله داعي لكن توكلت على الله ورحت وبداني الخوف أول ماوصلنا

دخل زوجي يسأل فقالوا من الشهر الأول للخامس بمبنى 70 ومن السادس وفوق

بمبنى الولادة وأنا طارت عيوني

ونزلت وأول مادخلت جلست شوي بجنب حريم ينتظرون قريباتهم داخل ولما دخلت

قالوا لي ادخلي الحمام وسوي تحليل بول _ يكرم الجميع _ وشيلي كل ملابس والبسي

هذي تقصد ملابس الولادة لونها أخضر قسم بالله انهبلت 🙂 قلت لو تموت

صدق شلت اللبس الخارجي لكن الداخلية خليتها 😆 🙄 ولبست وطلعت

ودخلت ولقيت حريم فيهن طلق يدورن ويتوجعن وكانت صالة كبيرة كلها سراير

وبينهن ستاير وفيه كراسي للانتظار ومشيت وجلست على أول كرسي وأحسني بحلم

وكانوا اللي تجي ومايمدي يطلعونها فوق لكشكات الولادة تولد هنآآآآآآآآآ بنفس المكان

وكان فيه حرمه جالسة تدور ويدها على ظهرها وتمشي وتدعي وفجأة طاحت علبة المويه اللي معاها

وهي جلست على الأرض وتصرخ وأنا انهبلت قلت شكلي بهرب 😆 🙄

وكانوا يقولوا لها اجلسي ارتاحي نامي على السرير وهي تقول لا ما أقدر

المهم جوالممرضات وشالوها وحطوها على السرير وسكروا الستارة وبدت بالصراخ

والممرضات يقولوا لها بوش بقووووة يلاااااا وهي تصرخ المسكينة 😳

جلست أدعي لها وأحسني نايمة وأقول يارب أكون أحلم 💡
وفجأة صرخ النونو وكلهم يقولوا ماشاء الله حسيت إني تنفست 😥

وجلست أقول بنفسي ايش اللي جابني اللي فيني مكفيني

المهم نادوا علي ومارديت نادوا مره ثانية قلت ياربي عسى مايولدوني 😥

ونوموني على السرير وكان قدامي النونو مسدوح على ميزان للأطفال

ماشاء الله يجنن ربي يخليه لأهله وجت الممرضة وقالت ايش مشكلة

والله نســــيــت اللي جايه عشانه وتذكرت قلت حركة النونو خفيفة فقامت

قالت ليه مايشيل ملابس داخليه وعصبت قالت بسرعة شيل وأنا خفت:D

وبعدها قامت تسطر بطني كفوف 😥 وانقهرت منها فمسكت يدها وعصبت 😳

قلت لا خفت تموت جنيني فقالت مافي مشكلة بس عشان لو بيبي فيه نوم هو قوم

وسوت لي سونار وقالت الدكتورة عادي الجنين تجيه فترات ركود لاتوسوسي

وحسني نفسيتك لأنها تضر بالجنين وكان ضغطي نازل يمكن من اللي شفته

وخلوني ساعة على السرير لحد ماخلصوا أوراقي

وبعدين قالت يلاااا خلاص قومي روحي بيت قسم بالله أحسني بطلع من السجن:(

وقمت بسرعة ورحت للحمام وشلت ملابسهم ورميتهن وطيران أدور الطريق

وجلست بالانتظار ودقيت على زوجي وطلعت والله كان كآآآآآآآبوس

وركبت وأنا ساكته وقلي هاه ايش صار وقلت له وانفجر بالضحك 😈

وكانت الساعة 12 في الليل وكنت من الساعة 1 الظهر ما أكلت شي ورغم هذا كنت

حاسه بحرقان ونفسي مسدودة فقلي هاه أجل كل ماحسيتي بشي غريب بجيبك هنا

وأنا عصبت مره كنت مو ناقصه 😆 🙄 ورجعنا للبيت وعجزت بنام

بس أتذكر صراخ الحرمه وصوت النونو وكل اللي صار

وزجي عاد معلق يقول متى ما أشتهيتي تسوي سونار قولي لي بس وأوديك للعسكري 😛

وتوته توته خلصت الحتوته

عارفه طولت عليكم بس حبيت أونسكم شوي وحبيت أعطيكم فكره عن طواريء العسكري

لأني قبل ما أروح سألت بس مالقيت إجابة

دعواتكم لي أخواتي

الله يهون علي وعلى كل حآآآآآآآمل ويقر عيني وعين كل حامل بشوفة عيالنا

بين يدينا وهم بأتم الصحة والعافية