عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا
يابنات حاحكيلكم اش سار مالي غيركم وربي
انا قبل امس كان عندي اختبار في الجامعه
المهم رحت الساعه 7 على اساس انو اختباري يبدا 8
المهم لما جات الساعه 9
عرفت انو اختباري مو 8 لا 11 ونص
تخيلو يعني جاية من 7 واقعد الييين 11 ونص
والجامعه فاضيه مافي صحباتي والجو حار
وفوق كدا انا حامل
المهم دقيت على زوجي العزيز
استعطفو ابغاه يجيني ويرجعني عالساعه 11
مارضي احاول فيه مارضي
مع العلم انو عندو اجازة وقاعد في البيت
.
المهم انا مرره انقهرت منو بس سلمت امري لله
واستنيت لوحدي زي الهبلا
المهم جات اختبرت وخلصت ودقيت عليه على 12 وجاني
ورجعت البيت
في السياره يكلمني ويسألني عن الاختبار
ونامطنشتو عالاخر والله من القهر الي فيا
رحنا البيت وبرضو نفس الاسلوب
دخلت الغررفه وطراااااخ صكيت الباب
(امزح ماصكيت الباب اخاف لوحدي اخليه مفتوح )
وهوا راح الصلاه
انا قرصني الجوع ومرة تعبانه مافيا حيل اطبخ مررره
رحت قلتلو جيعانه 🙁
خصرني قلي مافيا حيل اروح اشتريلك روحي اطبخي
قلتلو حرام عليك مافيا حيل اطبخ مو كافيه لاطعني سته ساعات في الكليه
كان يقولي دا غلطك مو غلطي
المهم انا انقهرت بزياااااااااده
ورحت الغرفة نمت وصحيت عالعصر عشان اصلي
المهم شكلي حزنتو
(دايمن يقولي شكلك يحزنني وانتي نايمه خخخ)
واعتزر مني وقللي اجبلك غذا قلتلو لاااااا
انا كنت برضي مقهورة بعد ايش يقولي اجبلك
بعد ماكسر خاطري
المهم نمنا اليييييييييييييين اليوم التاني صحيت 6 الصبح
استناه ماصحي الا 12
قلتلو يلا انا جيعانه روحي جبلي
مارضي قلي اطبخي وانا اساعدك
انا فررررررررحت اول مرة يسويها
قلتلو اوكي
قلي روحي المطبخ على بال مااصلي والحلقك
المهم انا قعدت استناه الين مايخلص عشان نروح سوا
خلص الصلاه وسار يزعق عليا
وويحلف يمين انو ماخشش المطبخ
ونا في ستين داهيه اكلت ولا مااكلت
( عشان مارحت زي ماقال لي وقعدت استناه )
بسم الله انا مررة انفجعت من اسلوبو دا
سرت ابكي واقولو وديني بيت اهلي
انتا ماتحبني ولا تخاف عليا ولا على النونو
اهلي يحبوني ويخافو عليا
قام قلي اوكي البسي لبست
ووداني ورحت
انا في بيت اهلي دحين
مين الغلطان
يابنات ترى والله انا مااكل ولا اشتهي الاكل
بس عندي علاجات لازم اخدها عشان كدا ابغى اكل اشي شي
مين الغلطان انا ولا زوجي
سوري طولتها مررررررررررره
