((((((تصفيييييييه على كل بضاعتي ))))))) .. ادخلي وشوفي ..

اخباركم بنات ان شاء الله تكونون بصحه وسلامه

فراشاتي العزيزات انا حبيتكم كثير كلكم وتعاملت مع كثيييييير لكني مااحب بتوقيعي احط اقتباس لرأي البنات في بضاعتي لمن اشترو لأني مصورة بضاعتي بنفسي يعني الصور بتحكي لكم مع ان التصوير بعضه من جوال لكن باعتقادي ان تصوير التاجره لاغراضها بيكون فيه مصداقيه اكثر وتوضيح للزبونة .. واللي حابه تشوف رأي البنات ممكن تدخل مواضيعي وتدور بين الصفحات ردود البنات اللي اشترو مني غير اني عمري والله ماطلبت من زبونه تكتب رأيها فيني لأني احس هالشئ مو دافع ان الزباين بياخذون مني اللي والله عاجبها البضاعه من خلال الصور بتاخذ… مع ان فيه كثير مشاكل من بعض التاجرات اللي مايخافون الله واللي يعرضون بضايع احتمال ماتكون عندهم .. وعفوا ماراح اسميها تاجره لأنها للأسف هي حراميه وتضلل العالم وماتدري انها بيندعي عليها من اللي تضررو منها وسرقتهم ومن التاجرات بعد لأنها تخرب عليهم .. مع اني والله ولله الحمد اشتريت يمكن مرتين او ثلاث من التاجرات اتذكر شريت لانجري من وحده بالشرقيه وحلى من وحده في الرياض والحمد لله وصلتني اغراضي ولا انصب علي .. عموما الله يهدي الجميع ويجازي المخطي ..

بنات انا بسوي تصفيه لكل بضاعتي لأني مضطره راح اسافر وبودع التجاره مع انها شغله حلوه بالاخص انها تعرفك على ناس طيبه وفيهم خير وتصير صداقه بينك وبينهم لكن (مجبر اخاك لا بطل ) ادعولي بنات والله محتاجه دعواتكم .. عسى ربي يرجعني بالسلامه وارجع اشوفكم يالغالين ..

موضوعي هذا بيكون شامل لكل بضاعتي راح تكون فيه الاسعار لكن انتي حطي سعرك عالخاص وان شاء الله مايصير خاطرك الا طيب
بالنسبه لبضاعتي والله شاهد علي انها من برا وجايبتها بنفسي ودافعه وزن زيادة عليها وخاماتها حلوه وفيه البروشات السوارفسكي لمعتها قويه ومن اجود الانواع ..
ياليت يابنات تحطون السعر اللي يعجبكم لكن بدون ماتبخسون سعرها لأن رسولنا عليه الصلاة والسلام نهانا عن بخس الاشياء لأني والله متكلفة فيها لكن انتي حطي سعرك المعقول وان شاء الله خير ..

وهذي صور البضاعة كاملة

الليقنزات

الليقنزات = هي الكيلونات الشفافه اللي تصير بدون قدم – طبعا القياسات فري سايز يعني يلبس اي مقاس لأنه استريتش ومن احلى خامات الستريتش ..

الليقنز ممكن ينلبس تحت تنوره او تحت برمودا او تحت فستان

بالنسبه للمتزوجه ممكن تلبسه تحت تنوره قصيييره والا تحت شورت والا تلبسه مع تيشيرت طويل ويكون ساده لأن الليقنز بيكون مشجر.. اللي تلبسه بيطلع شكلها رووووعة و يجنن وبتعذب ابو الشباب وتدلع عنده ..

خلونا نشوف الصور مع بعض

بسم الله ماشاء الله ولا حول ولا قوه الا بالله

————————————————————————-

البروشات

بنات البروش = عباره عن اكسسوار ممكن تلبسينه بأي مكان في لبسك ويعطي شكل حلو وكشخه .. ممكن تلبسينه عالشال والا ممكن تلبسينه عالتنوره او عالبنطلون او عالبلوزه يعطي شكل حلو ويفخم اللبس .. يعني لو حطيتيه على لبس رسمي بيخليه فخم ولو لبستيه على كاجوال بيعطيه حركه .. ممكن بعد تلبسينه على فستان حفله او سهره ويزيد جمال فستانك .. بعد ممكن ينوضع على تسريحه الشعر ويخلي التسريحه احلى يعني ممكن يكون اكسسوار للشعر ويكون بنفس الوقت غريب ..

الشئ الثاني ان البروشات هذي ماراح تحصلين احد مثلك يعني بتتميزين فيها ..

واشكالها كثيره ومختلفه وحتى مقاساتها مختلفه ..

فيه اشكال تنفع للبنوتات الصغار يعني ممكن تحلين لبس بنتك بالبروش سواء تنورتها او على بلوزتها او بنطلونها ..تطلع كيوووت

بعض البروشات مقاسها كبير يعني يوصل لـ 6 سم او 7 سم
يعني مو مبين حجمها بالصورة بس بعضها كبير وفخم ..

سعر الدرزن 350 ريال