عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا فراشات كيفكم
جايبه لكم حلى تراميسو خطير صدقوني مافي احد ذاقها وماعجبه الكل يمدح فيه جربوه وان شالله يعجبكم
المقادير
كيك اميريكانا فنيليا او انتي اعملي كيكه اسفنجيه الي يريحك انا اعملها بالطريقتين وكلها حلوات
كاس شيره +ملعقه نسكافه مذوبه فيها
نقطع الكيك شرائح ونصفه بالصينيه ونشربه بالشيره ونتركه
مقادير الخلطه
2ظرف دريم وب+نصف كاس حليب بارد جداا +علبة قشطة خفق (كريمةخفق) العلبه الصغيره +6حبات جبن كيري اوعلبة فلادلفيا الي يتوفر عندك+ملعقة جلاتين مذوبه في ثلث كاس ماء حار +فنجان ونصف سكر بودر
الطريقه
يخلط الجميع في خلاط الكاس ثم توضع في الفريزر لمدة نصف ساعه بعدين تخلط مره اخرى في خلاط الكيك حتى تجمد طول على بال ماتجمد يمكن من7 الى10 دقايق لما تجمد نساويها فوق الكيك المشرب بالشيره ونغطيها بالشوكلاته البودره بالصفايه او المنخل اتمنى عرفتوها نغطي الصينيه كلها بعدين نحطها بالثلاجه لمدة ساعه وبالهناء والعافيه ان شالله
اتمنى تجربونها بنات مره روعه واذا حبيتو تقدرون تحطونها باكاسات الجلي او الكريمه القزاز عشان كل شخص ياخذ حصته منها
