عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
كيفكم يا حلوات يارب تكونوا كلكم بخير
…………………………….
قبل لا ابدأ في الموضوع
هذا الموضوع تنبيه للي يحاولون ينصحون بحسن نيه وهي ما تدري انها تسبب مشاكل ومصايب لبنات مظلومات ومالهم ذنب
عدلت في موضوعي لأن في عضوات فهموني غلط فحبيت اوضح هدفي من الموضوع في بدايته
طبعا ومو كل الناس عندهم حسن نيه وتقصد تسبب مصايب للناس بعد( اقروا الموضوع كامل) لا تاخذون بدايته ففقط وتتعبوني في الرد عليكم كل وحده ارد عليها ولا كأنها قرت موضوعي ابد
في جمعه من الجمعات
وانا جالسه بين الحريم وهالبنات
كنا نتكلم في هذي الجلسه عن الانترنت
الا و وحده من هناك نطت بسالفه
قالت
انتبهوا يا حريم من هالنت انتبهوا والله انه اساس الدمار وخراب البيوت
طبعا اكيد جملتها هذي صحيحه لأن ياما بنات يستخدموا النت بطريقه خطأ تجرهم لمصائب لا تحمد عقباها
ولكن سالفة هالحرمه اليوم غير
كملي 
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,
خلاص لا تعصبون بكمل بس فاضيه حبيت اسوي زيكم 💡
بدت بسالفتها 😛
تقول / ما دريتوا عن اللي صار بسبب هالنت ؟
ردينا/ لا مادرينا وان درينا مافي شي جديد
قالت/ الا فيه ومصيبه بعد
ردينا /هات سالفتك
قالت/في وحده من الجماعه من البنات المتملكات (يعني لسا ما تزوجت الزواج الكبير بس كتب كتاب)
ردينا/اخلصي
قالت/ان وحده من المتملكات اللي تطلقوا هالسنه كان طلاق بسبب المسن تقول ان زوجها اختبرها وجاب الايميل حقها طبعا مدري من وين جابه يمكن من خواته او هي عطته
تقول يوم اختبرها ولقاها عطته وجهه ومجال ياخذ ويعطي معها اعترف لها من يكون ويعدين طلقها
………………………………………….
انتهت سالفتها 💡 اللي مدري وش تبي
تدرون وش اللي قاهرني وماغصني ومكدرني في هالسالفه
اللحين المتملكات اللي تطلقوا ما يتعدون رقم 2 يعني ثنتين بس
يعني بالله هالسالفه اللي قالتها ما ظلمت فيها البنت الثانيه اللي ما تطلقت بهالسبب المعفن ؟؟
والناس لما يتناقلون كلام مثل كذا بالله هل احد راح يتقدم لخطبتها مره ثانيه والا راح تنظلم مسكينه بسبب وحده سوت هالغلط وضاعت الثانيه علشان كلمة يقولون ؟؟؟
حتى لو كانوا عشرين وحده مو ثنتين كلهم راح يشملهم الشك وما راح احد يتقدم لهم
حنا عندنا امه ما ترحم ولا تغفر في الحكايات هذي
لأنهم يتخيلون ان السالفه مو مسن وبس الا في سوالف ثانيه تجرها صح والا لا؟؟
طيب اللي ابي اعرفه ليه الحريم ما يثمنون كلامهم قبل لا يطلعونه؟
هالنوعيه من الحريم الاولى اما انها فعلا تبي تحذر الحريم وتنبهم على بناتها بس طريقتها غلط في غلط لأنها سببت شكك في بنات العالم لأن ما حبكت على هالحكايه في حكايات كثيره غيرها وقصص وعبر من دون ما نسبب شكك في احد ..
والنوعيه الثانيه هذي عاد الله يعينها على نفسها لأنها تتلذذ في الكلام في اعراض الناس
ما تدري ان اللي تتكلم في الاعراض سبحان الله يرجع فيها او في بناتها طال الزمن او قصر
سواء اللي تكلمت عليها فيها هالشي والا مافيها حرام الوحده تتكلم في اعراض الناس
………………………………………….. ………
بغيت انام لكن ما جاني النوم
كثرت قهوه امس وقت المباراه علشان كذا
وحبيت اشاركم اللي جاء على بالي
يارب يكون موضوع خفيف على قلوبكم وما اخذ من وقتكم ❗
……………………………………….
اختكم في الله أم البتول2006
اللي تنقل موضوعي تكتب المصدر والا تقول منقول
