تخيلوا أبوي ملكني على شخص ماأدري من هو

بصراحه يابنات أنا ماأدري وش اقول ولا وش أسوي

بقولكم اللي عندي وامري الى الله

أبوي الان ملكني على واحد ماأدري من هو

تخيلوا أبوي الان بالمجلس جالس يسولف مع خطيبي أقصد زوجي الان وأنا ماأدري من هو على طول فكرت فيكم وجيت أشكي لكم تبون تقولون وش دراني أخوي كان عندهم ويوم خلصوا ناديته وعطيته ميه قلت لي قلي وش السالفه لان أول ماجوا الرجال قال أبوي لاخوي جب دفتر العائله ودفتر العائله معي لاني كنت بسجل في الماجستير بعد ماطلعت روحي وقلت له انهم لازم يخلون المتقدمه على الماجستير معيده وتستلم راتب 8000 بالشهر وافق وهم لاراتب ولا هم يحزنون بس دراسه المهم يوم جا اخوي ياخذ دفتر العائله شكيت لان ماله عاده ياخذ دفتر العائله للرجال وبعدين دقيت عليه وقلت له تعال شف اللاب معلق ويوم دخل غرفتي قفلتها وعطيته الميه وقلت له علمني قال أن أمي حلفتني ماأعلم قلت له علمني وش الموضوع ولا لمح لي قال جا كاتب العدل وكتب زواج وحده من خواتي وانا الكبيره وبعدين راح ونزلت للمجلس من ورا الدريشه اسمع اثره يسولف مع (زوجي الان اللي ماأدري من هو )

هل أنتم ملكتوا كذا يابنات ولا أنا بس مكتوب علي ماأفرح وهل تصرف أبوي صحيح ولا عادة البدو مع يعطون بناتهم وجه كالعاده أنا اكتب لكم وانا قلبي يتقطع من القهر والخوف لاني ماأدري من هو ولا وش أصله وطبيعته وخواته وشخصيته والله يابنات خايفه

ادعوا لي ان الله يربط على قلبي لاأنفجر الليله ولا إذا جا يقولي أبكي وأخطي عليه وعلى أمي