تحولت من حبيبتي لحيوانه؟؟

اول شي ياليت تفتحون الرابط وشوفوا الفيديو واسمعووووووووه زين للاخير

لاتقفلينه ويلعب الشيطان براسك

شفتيه؟

شفتي كيف ذلها الحبيب الغالي؟

شفتي كيف تحولت من حبيبتي لحيوانه؟؟

اتمنى تصحون وربي احس يديني مربطه لما اشوف كل وحده اعرفها تكلم او تقابل !!!

يابنت الناس انتي ماتشوفين وجه ابوك اللي نايم متطمن على بنته حبيبته روح قلبه اللي لو تصيبها

شوكه بيدها كانت كأنها بعينه؟

ماتخيلتي وش راح يصير فيه لما يكتشفك؟؟ لاتقولين شريحة استهبال محد درى عني وحركاتكم السخيفه ذي مع احترامي!!!
هذول ذئاب بشريه بيجيبونك لو شريحتك زفت مو استهبال …بيسجلون لك
بيوهقونك وعندهم الف خطه وخطه يورطونك بها !!!
انا بس سالت واحد من اقاربي طلع لي خطط تشيب الراس ولاتخطر ببالك!!!
إجلسي انتي مع اي ولد يقرب لك واسأليه: تكلم؟
اغلبهم بيقول لك :إيه اكلم (…)<<هذا انتي عنده عاد انتوا عارفين استحي اقول
واسأليه بجد بجد تفكر بيوم تتزوجها..؟؟
حتى لو انت تحبها رغم ان هالحب وان كان يقول انه يحبها مو حقيقي بس شوفي وش بيرد لك !!!
بيقول لك والله لو مايبقى الا هي على وجه الارض!!!

طيب بصراحه وش بتسفيدين؟
غير بتضيعين وقتك ودوم بتكونين عايشه بخوف ورعب وشك

طيب تقولين علاقه عابره وضحك وسوالف ومن هالكلام واكيد ماراح اتزوجه بتزوج غيره …لو تقدم لك واحد عرفتي بعد فتره انه كان يكلم..إكزاكلي مثلك!!!
بتثقين فيه؟
لاتقولين كل الشباب يكلم الحين…اصابع يدك مو سوا!!!
وترى الدنيا دواره …دامك تكلمين وتستانسين وتستهبلين وخادعه اهلك ومغضبه ربك ..اكيد ماراح تاخذين واحد عمره ماكلم ولافتح عينه الا عليك انتي وبس….كمان إكزاكلي زيك ياحلوه!!!

فإقعدي مع نفسك واحسبيها صح تلاقين نفسك رابحه مو خسرانه ..انا مو ملاك وجربت لاني عنيده وماقتنع بسهوله بس ماتماديت هي يادوب 3 مكالمات فقط لاغير وربي العالم اني كنت مو قادره احط عيني بعين امي وابوي ولاخواني وحسيت نفسي زباااااااااااله ومع كل دقة اي جوال بالبيت يوقف قلبي …ولما تركت تعرضت لانواع الظغط :مسجات حب,,مسجات تهديد,,,مكالمات ,,ارقام,,ازعاج !!
وهي بس 3 مكالمات ماتعدت 20 دقيقه!!!!!!!!!!!!
ماني قادره ارفع عيني وانا اكلم للسما اخاف اشوف الملايكه جايه تاخذ روحي وانا اكلم!!
وحتى لما كنت اكلم حاولت اجاري ماقدرت!!!
اشوف ابوي ياناس تاج راسي قدامي يضحك لي فديت رجوله !!
وامي !!!
وربي بكيت!!
بس مارضخت ولاستسلمت لان دام ربي معي محد يقدر يوصل لي وكبرت انا نفسي بعين نفسي..

انا ماقول الوحده ماتغلط بس تعلموا من اغلاطكم وتذكروا ابآئكم وامهاتكم اللي فنوا ارواحهم عشانكم لاتقولون اهلنا قاسين ..متحجرين!!
مهما كان الابو والام قاسي المظهر …تأكدي محد يحبك زيهم
ومهما قسوا عليك …تأكدي واحلف لك انك نور عيونهم وحبيبة قلبهم
ولاتفكرين وش بيصير فيك لانكشفتي…لا.. فكري بابوك لانكسرت صورتك بعينه وصرتي بعد مانتي بنته نظر عينه ..وحده تمنى انه ماشافك
تخيلي ردة فعل عايلتك,, بنات خالك..بنات عمك !!
وشوفي وشلون راح تكون صورتك وصورة اهلك واخوانك بعينهم هذا لو انفضحتي بسالفة انك تكلمين ..تخيلي بعد سالفة المقابلات وغيره ذي ماقدر اتخيلها اخاف على خيالي

وصلى الله وسلم على نبينا محمد وعلى آله وصحبه اجمعين ..