تجهيزات نونتي

كيفكم يا فراشات؟؟

اليوم حبيت انزلكم اغراض نونتي الله يجيبها بالسلامه ان شاءالله
وياريت تقولولي اش رايكم ولا تحرموني من نصايحك

نبدآ بسم الله

ما شاء الله تبارك الله

3

3بربتوزات مقاس نيو بورن

8 دواخلي بيضا مقاس من 0-3
4 نص كم و4 كم طويل
كفايه ولا احتاج كمان ؟؟ اجيب الي بدون اكمام ولا دي كويسه؟

كلها من 0-3
بس اخر صوره جايين مع بعض وقماشهم خفيف

البنطلون من 0-3 عجبني وكان ب دولارين وشويه
والي عاليمين من 3-6

فساتين النونو الله يجيبها بالسلامه
الي في النص من 3-6 والباقي من 0-3

دا الجاكيت زوجي الا يبغاه بس اخدنا من 3-6 لان وقتها حيكون برد شويه وطلعاتنا كثير

كوافل ولا ما ادري اش اسمها الي يلفوا النونو بيها بس الي تيجي جاهزه بس اسكرها
كفايه ولا قليله؟؟

بطانيتين 1 خفيفه والتانيه تقيله شويه
واخدت كمان طقم لحاف حق السرير بس ما صورته في كيسته

منشفه مره عجبتني على شكل حوريه البحر ومناشف صغير

شنطه النونو

اغلبها جاي مع الملابس
2 طاقيات واحتاج كمان بس مني عارفه كم ياريت تقولولي
3 جونتيات 2 وردي 1 ابيض
3 شراريب ما حاخد كمان لانه كل الملابس نهايتها في حق الرجل .. لو احتجت حجيب بعدين
مرايل بس 1 وحجيب كمان طبعا
الجزمه اليتيمه لو مره حبت تكشخ

وطبعا اخدت سرير ودروج للاغراض
بس ما اخدت سله موسى ححتاجها؟؟؟

كمان لسه ما جبت حق الترويش .. بس محتاره فيه نوعين الي يجي معاه اسفنجه تحطي النونو عليها
والتانيه يجي قماش .. اش افضل؟؟