عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
صبآحكم /مسآكم معطر بعطر الورد والفل والياسمين
كيفكم يا أخواتي الغاليات إن شاء الله كلكم بألف خير وصحه
حآبه أقولكم كم شي بالبدايه …
أول شي يا مخطوبات :ألف مبروك لنا جميع
ثاني شي:لا تتوقفين عن الإستخاره
صح أنتي صرتي مخطوبه وصارت الشوفه الشرعيه طبعا للي عندهم شوفه شرعيه
بس واصلي الإستخاره
إلى قبل الملكه وإذا تحبين إلى ليله الملكه بعد يكون افضل
لا توقفين لإن سبحان الله الإستخاره تنور بصيرتك وتخليك يا تكملين وانتي على بصيره أو توقفينها قبل ما تملكين ووتتورطين
ثالث شي: لازم يكون فيه قناعه بالشخص مو بس تتزوجين عشان الزواج
أو توافقين على الشخص عشان منصبه حلو ووظيفته مرموقه وأنتي مو مقتنعه أو ما تحسين براحه
تذكري هذا زواج وحياه طويله مو لعب
وتذكري بعد إن بعد الزواج رجعتك تكون صعبه وفيها طلاق الله لا يكتبه علينا ولا على بنات المسلمين
لذا فكروا كويس وأنا أوصي نفسي بهالشي قبل لا أوصيكم
طبعا أنا فكرت وهالموضوع ببالي من فتره إني اسوي تجمع للمخطوبات اللي ما عقدوا قرآنهم يعني إللي ما تملكوا
لأني شفت تجمع للمملكات فحبيت اسوي لنا تجمع
خصوصا إنا راح نفهم لبعض وبالذات إللي خطبتها طولت وللحين ما ملكت ولا تحدد زواجها
وحآبه إننا نتناقش فيه ويصير لنا مثل التجمع
بالنسبه لي أنا مخطوبه من فتره حوالي تسعه شهور وللحين ما تتحدد شي
عشان كذا أنا نفسيتي تعبانه وصايره أحس بخوف
هو إحتمال يكون الزواج السنه الجايه بس برضوه فيه خوف لإني ما أدري وش بيصير
بس أنا قررت من اليوم إني أبدأ ببرنامج الإستغفار لأنه يشرح الصدر ويفرج الهم
غير كذا نقوم الليل وندعي ربي ييسر لنا أمورنا وينور بصيرتنا
ويتمم لنا الزواج إذا فيه خير لنا وإذا فيه شر يصرفه عنا ويعوضنا بالأفضل
وحلو يكون لنا ورد من القرآن وقراءه سوره البقره لأنها مثل ما تعرفون حصن وتحفظ أصحاب البيت
تدرون يا بنات إنها تأثر بكل الأشخاص اللي بالبيت إذا قرئت فيه
وغير كذا عليكم بالقرآن والرقيه الشرعيه
أنا عندي مجموعه من الرقيه
ووحده منها عطآني إياها الشيخ راح أنزلها لكم بإذن الله ..
ونبي حياتنا تتغير للأفضل
بالتوفيق حبيباتي
بإنتـــــــــــــــــظاركم 😡
أختكم بيوتي
