عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
هلا بالفراشات
انا كتبت هذا الموضوع علشان اغلب البنات يسألوني على الخاص وانا حبيت اكتب علشان الكل يستفيد
والسؤال الأول : يسألوني عن رأيي بحبوب سيشيدو وكيف نتايجها
السؤال الثاني : ايش أحسن أنواع الحبوب بحكم إني أبيعها
وأحب بالبداية أوضح إني من أول مابعت المنتجات الين اليوم وانا عمري ماحلفت أو قلت وحدة من اللي اعرفهم صارت لمبة تلق واني أخذت منها رقم الحرمة وصرت أبيع ….وو أو اخواتي كلهم والله صاروا نجفات
هذا الأسلوب والله الشاهد عمري ما استخدمته وممكن تشهد معاي وحدة من البنات اللي صممولي شعار
قالت لي ليش ماتسوين زي التاجرات وتقولين هذا مافي زيه أو تحطين كم كلمة تشجع البنات
والله يابنات وإذا كانت البنت تقرا كلامي باليتها تشهد إني رديت عليها وقلت إنا مااحب اسلوب التسويق اللي تبي وتعرف المنتج الله يحييها
انا راح احكي لكم من واقع تجربتي الشخصية
انا استخدمت سيشيدو بالذات لأني كنت ابغى اكثر شي نضارة وسيشيدو مكوناتها ممتازة للي تبي بشرة روعه
مكوناتها ( قلوتاثيون 375 وفيتامينات سي وبي واي وآي وكولاجين وخلاصة خميرة البيرة وخلاصة جنين القمح وحامض اميني وخلاصة عرق السوس واشياء ماني فاكرتها الحين)
وغير كذا الشركة يابانية والمنتجات اليابانية ماعليها كلام من حيث الجودة والاتقان
انا لوني حنطي فاتح
العيوب اللي كانت ببشرتي : لون غامق بجنب وجهي بسبب تقشير سويته واتعرضت بعده للشمس
غير كذا عندي آثار حبوب لونها بني بس مو كثيرة ( انا بشرتي أي حبة او خدش على طول يحول بني )
بالبداية كنت آخذ 5 حبات وفعلا من اسبوعين بانت نتايج النضارة والنعومة وبعدين انا قللت الكمية الى 3 حبات
لي الحين شهرين من بداية الاستخدام وطلبت لي حبوب لأنها قربت تخلص
اولا مع اني من النوع اللي ماينتظم باستخدام الشي اللي إني الحمدلله البياض طبعا فتحت بس مو لمبة
البشرة ماشاءالله صافية والبقع اللي فيها راحت يديني حول الاظافر صار لونه باهت والاماكن الداخلية فتحت
ورمضان والله يابنات وين لمن اتذكر آخذها
فيه وحدة من البنات استخدمت الحبوب ورجعت اخذت 3 علب ولمن سألتها قالت إن بشرتها صارت صافية وإذا
كانت موجودة وتقرا الموضوع( امانة ياليت تكتبين وتقولين للبنات على النتيجة)
وبعدين الخلطات اللي نسويها عمركم شفتوا منها نتايج ؟ وبصراحة؟ غير وقت وخبصة وحوسة وكل مادخل الرجال حاطة على وجهك قناع و كأنك شبح ووبالنهاية مافي نتايج واذا كان نتايج بسيطة جدا ..لا وتلاقين الوحدة تصفق وترقص وتكتب موضوع من الفرحة
والحبوب اذا فتحت درجتين مو عاجبها !!
تقولون لي غالية اقولكم مو اغلى من الخلطات والخرابيط اللي تجيبونها وماتدرون عن مضرتها
وطبعا الفلوس ماتحسين وانتي تدفعينها مرة 300 ومرة 400 ومرة ومرة الى مالا نهاية ولو تجمعين اللي ضيعتيه على الخلطات والخرابيط كان بنت لك قصر
اولها عشبة الداد : خطيرة جدا تسبب العمى وانفصال الشبكية وعشبة سامة واللي تقولك لا تخلينها كثير على الجسم ..ليه مادام فتحت جسمك يعني دخلت جوا البشرة والله لايقدر راح تروح على الكلى
لاتستهينون بالبشرة كل وحدة تقول البشرة عادي احط اشياء وكريمات اضمن من الادوية
شوفي نصف بناتنا بزهرة الشباب متنومين وياخذون غسيل كلى والسبب الكريمات والخلطات والاعشاب اللي تدخل عن طريق البشرة
وباقي الاعشاب كلها تحتوي رصاص ومخلوطة باسمنت واولها الحنّة اذا مااخذتيها من مكان موثوق راح تلاقينها مغشوشة
اللهم هل بلغت اللهم فاشهد
وانا كتبت مو علشان اروج او ابييع كان ممكن اكتب لكم عن الابر وهي اغلى من الحبوب بس انا ماجربتها ومع ان فيه بنات جربوها ومدحولي فيها ود جمس وحدة من كم يوم اسمها مشاعل ياليت تدخل وتقول عن تجربتها مرة مبسوطة من النتيجة وراحت للدكتورة صفاء على كلامها والدكتورة مدحت بالحبوب والابر اللي ماودها تشتري مني تروح تاخذها من الدكتورة صفاء
