عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كييييفكم فراشااات ؟؟
وكيف الاجازه والحررر معاكم ؟
طبعا انا هنا عشان اذكر لكم تجربتي مع التاجره الرائعه ام سمر
ف البدايه بأقولكم انو انا والله مااعرفها ولا ليا أي صله فيها
مجرد شفت مواضيعها هنا ف المنتدى واتعاملت معاها
طبعت كلمتها ع أدوات الحمام المغربي اللي عندها
واتفقت معاها ع الموعد و مامداني أروح انا بنفسي اخدها
فراحت ماما 😆 🙄
وماما كانت مستعجله وراها مشاوير وكده
إلا أنها أصرت ع ماما تدخل جوا تشرح لها البرنامج وتضيفها ❗
يعني من جد انسانه ذووووووووق ماشاء الله تبارك الله
ولما وصلتني الاغراض
ماشاء الله تبارك الله ع الترتيب والتنظيم
حاطتها ف كيس هدايا وعلبة هدايا ومرتبتها
وحاطه معاها برنامج للعنايه بالجسم لمدة شهرين
وكل يوم ايش تعملي بالنسبه للوجه والا الجسم وكل شيء
يعني البرنامج كلمة رووووووووعه قليله عليه
انا لسا ماجربتو
امس وصلتني الاغراض
بس دا اللي مبين عليه يعني
ودحين كمان تقوللي كيف استعمل دا وكيف احط دا
والله لو تشوفو كيف حرصها ,,كأنو قاعده تقول لأختها ولا وحده قريبتها
من جد الله يجزاها عني كل خير
وربي يحقق لك كل اللي ف بالك يا ام سمر
وحتى ماما قالت عنها بالنص (انسانه كلها ذوق وأخلاق ):P
وبإذن الله بعد شهرين لما اخلص البرنامج اجي وأقوللكم ع النتائج
يلا أسيبكم دحين
دمتو كما تحبون 
