تجربتي مع مستشفى الحياة الوطني بالخميس ومااحلاها من تجربه

يابنات كيفكم وانشاءالله كل من تقرأ مشاركتي تكون بالف صحه وسلامه ياااارب
مشاركتي هذي حبيت اقدم فيها الافادة وعن تجربه قبل ثمان شهور كنت اراسل بالمنتدى وأسالهم عن افضل مستشفى للولاده بخميس مشيط أوابها لكن للاسف مالقيت اجابه مقنعه …… 😆
طبعا طول متابعتي للثمان الشهور من حملي كان عند مستوصف الاركان عند الدكتوره عبير الكيلاني وكانت ممتازة بتعاملها لكن المشكله وقت الولادة ماعندها امكانيات الي تملكها المستشفيات من ناحية المخدر والاكسجين وغيرها ……… ➡
عموما لمادخلت الشهر التاسع استخرت ربي وتوكلت عليه ورحت مستشفى الحياه وراجعت عند الاستشاريه الدكتوره نجاح وكان تعاملها واسلوبها فظيع يعني يريح النفسيه لان الوحدة بالشهر الاخير تكون مشدودة نفسياوخايفه من الولادةوخاصه البكريه الي مثلي وكمان خايفة من الدكتوره كيف راح تتعامل معها احنا ماننكر انه الله الي بيسر الولاده والدكتورة مالها علاقة كلها بيد الله لكن برضة نحتاج لشخص يساعدنا برفع معنوياتنا ويخفف الالام ولوبشي بسط وكمان نحتاج رعايه والاهم النظافه…… 😆 🙂 .
المهم والله على مااقول شهيد لقيت اهتمام فيني وقت الولاده من جميع النواحي من الممرضات والدكتوره نجاح وكمان كانت معها الاخصائه الدكتوره صفاء وهي كمان عسل والحمدلله الله يسرلي ولادتي وولدت طبيعي وجبت ولد زي القمر ومن ناحية الخياطة ترجع الوحدة زي اول واحسن……. حبايبي حبيت انقل تجربتي لكم لاني اعرف انه فيه بنات محتاجين احد يساعدهم ولو بشي بسيط عمومااي استفسار اومساعدة اناجاهزة وااااسفه على الاطاله وتقبلو تحياتي…………..:P