تجربتي مع كيراتين اينور..

اخواتي الفراشات ..انا عضوة قديمة هنا لكن مالي مشاركات احب اتابع اكثر..

حبيت اطرح لكم تجربتي مع كيراتين اينور ويشهد ربي انها تجربتي الشخصية لادعاية ولا غيره لكن لاني شفت قلة المواضيع المطروحة عنه في النت عموما ,ولاني مريت بتجربة احترق فيها شعري وكنت الف وادور ولا القى الحل من الاشكال اللي تتغير فجأة ولما تسألينهم ينكرون كانك ماتعرفينهم من زمان وكان لو علموك بينقص عليهم…واسال الله ان يجعله لي بركة وخير في التغير الراااائع اللي حصلت عليه والحمد لله.. 😐

من فترة احترق شعري من كوافيرة الله يسامحها وطبعا اضطريت بوقتها اقصه من اخر ظهري لبووووي وعرضت علي تسوي لي كيراتين طبعا بفلوس لكن رفضت تماما اللي احرقت راسي بصبغة كيف اسلمها اياه ثاني..

وبديت رحلة البحث عن اخصائية ثقة وكل مرة استخير وربي يردني ,,لحد ماتعرفت على العضوة الرائعة ريم سيف (مروى) وسويت بحث بالنت باسمها ولقيت مدح عليها .. وارتحت لها واستخرت اكثر من مره فيه..

جتني للبيت وسويته معها هو كتقنية سهل لكن تطبيقة صعب جدا جدا بصراحة وقفت السيراميك لحالها تهد الحيل..

بديت انها فحصت الشعر وقالت بكل صراحة النتيجة واختارت لي كيراتين اينور ..

شعري فتلته ضعيفة وسهل ينقطع..كيرلي جدااا..جاااف..مصبوغ,,اجزاء منه محترقه..مستحيل استغني عن الاستشوار والليس..

اول شي غسلت الشعر ثلاث مرات بالشامبوا الخاص بعدين جففته بالاستشوار وبدت توزع الكيراتين وانتظرت نص ساعة بعدها استشوار مضبوط وسيراميك دقيق جدا وبعدها انتظرت نص ساعة ثانية وغسلته بماسك فقط بس غسل مب قوي والنتيجة …………

ماشاء الله تبارك الله..شعر ناعم,,,,لمعه حلوة..ستريت على طلبي لاني طلبته اول الشهور كذا ويبدا يخف للويفي بعدها,,

طلبت مني اغسله بعدها بيوم علشان اشوف النتيجة النهائية..وفضلت انتظر حتى اغسله علشان اقول النتيجة,,والحمدلله كما يليق بجلال وجهه وعظيم سلطانة..

ماشاء الله تبارك الله..

شعري صار حرررررير ..يطير زي الريش..واللمعة بانت بشكل اكبر ..ستريت الا الجهه الخلفية ويفي كبير بس مرره عاجبني..

والصبغة من جد بان جمالها ياشين الشعر لاصار مايلمع مهما كان لونه ماتبان حلاوته..
والله دمعت عيوني واللي جربت الكيراتين بتعرف شعوري.. 😛

الشي اللي اعجبني ان شعري اساسا يتساقط وقت الشور لاني احب الموية الحارة بس مع الكيراتين خف كثييير ماشاء الله يمكن لانه اول يتقطع مع الموية والكيراتين خلاه يلحم ويقوى..<<<<احلل الموقف ..

باختصار ..

الكيراتين ..مع انها ول تجربة لي بس من اللي قريته وحسيته انه افضل نوع ..اولا مايطول زي الجلوبال مجرد نص ساعة.. وامن جدا ومصرح فيه.. وريحته جدا حلوووة.. ولايصدر ادخنة مزعجة.. والاهم نتيجته تطول اكثر من غيره…

انا شخصيا ارتحت عليه وناوية اكرره كل مره باذن الله.. 👿

مروى ..ربي يوفقها وين ماراحت ويقومها بالسلامة..جدااا راقية وخبيرة ماشاء الله قالت لي اشياء اشوف كثير بنات يتساءلون بالنت واستغرب ان اللي سووه لهم ماخبروهم عنه..يعني ممكن تكون سوته بمكان كويس بس مايملكون خبرة للتعامل بعد الكيراتين والمحافظة عليه..بس مروى بجد جمعت الخبرة والشغل الدقيييق والسعر المعقول جداااا..وانا كان يهمني السعر مع جودة الشغل وهذا للاسف نادر مايجتمع,,
ونفسيتها الاروع ..حتى حسيت الجلسة كلها كانها جلسة ريلاكس وفلللة مع اني كنت اتنافص قبل تجي…وجدا حريصة على زباينها لدرجة عطلتها عن السواق وهي مارضت تروح الا تطمن بنفسها عن الشغل ورضاي عنه..وتوريك العلب قدااامك..

بعض الاشياء اللي عرفتها منها بقدمها للبنات بشكل عام لانها هي تعلم عن شعرك بشكل خاص..

ممكن اول شهر يكون الشعر دهني والاماكن الخفيفة تظهر فيها قشرة..اي شي طبيعي مثل زيت وكريم مسموح مع انك ماراح تحتاجي اصلا ..بس الكيماويات مثل الجل والموس ياكل الكيراتين..الاستشوار بحدود مسموح بس فير وكواية لازم واقي خاص بالكيراتين قبله ونفس الشي قبل السباحة بالكلور وكذا..

بنات كتبت تجربتي بالتفصيل الممممملل لاني ما احب اسلوب التشويق وتابعوني ..واتمنى تذكرون ربي من جد الذكر زين دايم وانا ياما عانيت من شعري من عمري ويعلم ربي ماكتبت تجربتي الا بفيد البنات اللي يبحثون مثلي .. 😎 🙁

ولاتنسون ..ان الشعور تختلف..والمنتجات تختلف..والاستجابة تختلف,,واليد اللي تشتغل تختلف ..هذي تجربتي الشخصية ولا ادري عن غيري,,والاهم لاتنسون الاستخارة ثم الاستخارة ثم الاستخارة بالنوع والمشغل اللي يسويه لك..