تجربتي مع رجيم الكربوهيدرات …ادعولي اكمل …

عفواً قصدي الفراشات 😈

حبيت اشارك بتجربتي مع رجيم الكربوهيدرات (رجيم معروف ينزل حوالي 30 كيلو في 9 اسابيع .غير انة ما يحسسك بالجوع ابد . الاكل فية منوع ومقبول جداً )
مع اني لسا في بداية الاسبوع الثالث .
لكن قلت بقول الحبايبي عن نتيجة هل الاسبوعين ..وباستمر ان شاء اللة في الاسابيع الجاية ..واكتب لكم نتايجي من فترة الفترة .

عشان تتحمسون وتجربونة . 😉

اهم شي ادعولي 💡

انا يا طويلات العمر
طولي 169
ووزني 94

بصراحةمرني مامركم من احباط وضيقة صدر .

وللة لا ملابس تجي قدنا ولا نفسية مرتاحة .

طبعاً غيرالرجل الي تخافين انة يجي يوم يدور الجسم الزين عند غيرك .

وبديت اسأل نفسي مامليتي من الاكل ؟

ووش استفدتي من القعاد وقل الحركة غير الشحوم الي تراصت ؟

وهل انتي راضية عن نفسك ؟

طبعا الاجابات الكل يعرفها .

قلت مالك يابنت الشايب الا تعصبين راسك وتسوين الشي الي عجزتي عنة طول السنين الي راحت .

والحمد للة لي اسبوعين مع رجيم الكربوهيدرات .

واللة يبيض وجهة نزلت خمسة كيلو 😆 🙂

في نهاية الاسبوع الاول وزنت ولقيت اني نزلت ثلاثة كيلو .

وفي نهاية الاسبوع الثاني وزنت ولقيت اني نزلت كيلوين .

يعني انا الأن وزني 89 😎

والحين انا في اليوم الثالث من الاسبوع الثالث .

والحمد للة كل شي تمام .

وابي اقولكم عن شي انا امشي ان كثرت نصف ساعة في اليوم .

غير اني اشرب كاس شاهي جامو الاخضر يومياً.

طبعاً غير حبة ريدكتال مع الفطور لانها تحسسني بالشبع طول اليوم .

ولا تنسون حبة الفيتامين مرة في اليوم عشان ما تتأثر شعرك وبشرتك .

وسلامتكم ولي ان شاء اللة رجعة بعلوم تبيض الوجة .:)

اهم شي لا تنسونا من دعاكم وتشجيعكم .:(