تجربتي مع ربط المعده..وصورملابسي قبل وبعد..لطلب من بعض البنات هنا

ماشاء الله..لاحول ولا قوه لا بالله

اللهم لك الحمد من قبل ومن بعد..

اللهم لك الحمد كماا ينبغي لجلال وجهك وعظمة سلطانك..

ديسمبر/15/2009

الوزن قبل العمليه/ 112

الوزن الان /77

الدكتور الاستشاري بدانة وجراحه مناضير/ عبدالرحمن الصايغ

مستشفى رعايه الرياض

( قصتي مع البدانة)

الجزء الأول

كنت من صغري اعتبر مليانه.. سبب سمنتي نوعيه الاكل بشكل رئيسي.. قله الحركه..
كان حلمي اكون رشيقه صراحه بس ماكنت افعل اي سبب..
فراغ واوسع صدري بالاكل.. وانا من النوع الي اذا ضاق صدري اكل

يمكن تستغربون ليش اخترت الحزام… انا لما جلست اسمعه كان يقولي شرح كل وحده وانا اتخيل.. طبعا كلها بالمنضار وهي اربع فتحات بالبطن .. ماتتعدى الفتحه سم1

اتخيلت الباي باس او نقول التحوير بالمتداول.. راح اكون محتاجه فيتامين يومي.. وما راح استفيد من اكلي ووو..مابيه ماحبيته

شلون ؟؟

فيه خط رجعه.. لو لاسمح الله خلصت وثبت وزني افكه.. عليه ضمان بعد الله سبحانه 10 سنوات..

اتحكم بسمنتي ونحفي عن طريق الجهاز المزروع تحت عضله البطن وراح اشرحها بعدين

قلت ابي هذي

ياحبيله ماقصر معي ابد والله

الاسعار كانت على حسب العمليه بس ماعرف الا عمليتي كانت 30 الف وخمس ميه بمستشفى الحرس

ولو زادت اقامتي عن يوم بتكون زياده..

رحت البيت وبديت رحله البحث عن تجارب ولقيت تجربتين اسعدتني.. استخرت للحزام والحمدلله ارتحت

رحت زياره لاهلي بمنطقه ثانيه وعلمتهم .. الصراحه ضحكو علي وقالو لي مهبوله

ان حرمه خالي تقول ماتت وحده وو..ووو

بس ماهموني ابد واذا بموت ربي كاتب لي اموت يعني وش اسوي هذي نهايتي ماقدر ارد الموت

عاد انا اذا اتخذت قرار مارجع عنه لو يموتون..ولو اسوي المستحيل بس اتممه..