عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مسآآآآء الخيرات والليرات :020:
اخباركم …
دايم ادخل والقى كثير يسالون عن الولاده اول شي بقيصيري وبعدها طبيعي وخايفين وجيت اليوم
فااااضيه وابحكي لكم معاناتي مع الولادتين ؛؛الله يكتب لنا الاجر انشاء الله
طبعا اول شهر بالزواج مر علينا زوجي كان بينهببببببببببببببببببببل غريبه ماحملتي اكيد فيه شي :0107:
جنني وكل شهر تجيني الدوره يقول لالالا اكي اكيد في شي ليه ماحملتي للحين
وبعد سته شهور ربي كتب لي الحمل ؛ حتى هنود حارتنا عرفو اني حامل من فرحته ؛ المهم من اول حملي كنت دبدوبه شوي بس بالشهور الاخيره صرت متووووووووووووووووووووورمه مره وكثير يقولون نحس انك شوي وتنفقعين زي البلونه :0144:
وجده زوجي كانت تشوفني دايم امشي بالحوش بالشهر التاسع وتقولي والله يابنتي هالبطن ماينزل الا بعمليه فريحي نفسك ؛كنت اقول لا انشاء الله بس هم يشوفون اني متورمه ومابتتيسر ولادتي
كملت التاسع وعديته والاخ الكريم مو ناوي ينزل ؛ رحت المستشفى قالت لي يؤؤؤؤ خلاص 6 سانتي مفتوح الرحم ولاده ؛ ولافيه طلق ولا فيه شي
قلت وش ذا ولاده يازززززززززززززينها اذا مافيه الم كذا ؛ دخلوني الغرفه وهاتك ياكشفيات ذبحووووني
مابقى جنسيه عربيه ولا اسيويه الا شافتني الله يغفر لي والله ماعاد عرفت وش اسوي او حتى اتغطى
من الظهر لما 9 الليل كل شوي واحد يدخل يكشف ولا فيه طلق ابدا يجي بس مغص خفففيف ويروح والمشكله اسمع حريم يصيحون واقول في نفسي معقوله يصيحون من المغص اللي احس فيه :0144:
صدق حريم ماعاد تتحمل :043:
ويجي الدكتور يشوف تخطيط الطلق ويهزئني مافيه طلق قلت من وين اجيب طلق
بالاخير تجمعو الدكاتره كلهم وكنت خايفه لانهم متوترين وكل شوي واحد يجي ولايقولون لي اي شي
قالو وقعي ع عمليه الحين المويات راحت من بدري ونخاف ع الجنين وكنت مستغربه مااعطوني طلق صناعي بس قلت يالله عمليه وافتك
ودخلت غرفه العمليييييييييييييييييييييييات انواع الرعب واول ماجات ممرضه تبي تبنجني تقولي قولي لا اله الله الله وتشهدي انا ع طوووووووووووووووول بكيت حسيت اني ماراح اطلع من الغرفه الا جنازه
وجبت ولد يهبل لبى قلبه صاير رجال الحين بس جاء وزنه 3800 جرام ماشاء الله
وتعب مرررررررررررررره بعد البنج ومشي كل يوم غصب عنك ورياضه عشان مايتجلط الدم وحطيت ببالي خلاااااااااااااااااااص اربع سنوات او ثلاث مافيه حمل توبه :059:
كمل ولدي سنه وشهرين الا انا صاكه بالثاني وانواع الصياح والاكتئاب لاني كنت خايفه من الولاده وبس
وماكنت متخيله كيف يكبر بطني وفيه عمليه <<
وسبحان الله مرت الايام وكان حملي اخف شوي برغم التعب اكيد والوحم والنفسيه جونان :0144:
ومن بدايه التاسع رحت اراجع نفس المستشفى عشان اعرف اذا عمليه اكيد بيسوونها من بدايه التاسع واصلا مو عارفه ليه ولدت بقيصيريه قبل ؛ سالت الدكتور لما طلع ملفي قالي الولد الاول كان ملتف الحبل السري على رقبته وماقدرو يعطونك طلق صناعي عشان مايختنق
بكيت وقلت الحمد لله ماعرفت وقتها
والحمل هذا طبيعي وعندك فرصه تولدين بدون عمليه باذن الله
والله خفت وانبسطت وبكيت << كل شي صار لي وقتها
وخلاص كلها كم يوم واكمل التاسع الا ذاك المغص اللي يهببببببببببببببل
يروح ويجي وكل ربع ساعه يزيد ؛ قلت الا خلاص هذا هو الطلق اللي يصيحون منه الحريم اكيد :0107:
واروح المستشفى وع طوووول غرفه الولاده مفتوح 4 سانتي ومن الساعه 10 الصبح لحد العصر طلق خفيف بس قلت زين دامه كذا الالم اقدر اتحمله
جات الدكتوره ع العصر والله يكرمكم هي اللي فكت المويه وبعدها واااااااااااااااااااااااااااااي يالمغص
تخيلو هي مصريه والبالطو حقها يلللللللللللللق نظافه وانا امسكها بالبالطو سوي لي عمليه تفهمين ولالا سوي لي تكفين وابكي
تقولي اوعي يابت اوعي << ماتبي المسها
تقول ليه عمليه وانتي ميسره ولادتك تعرفين اذا سويتي عمليه ولاداتك الباقيه عمليات كلها قلت عادي
اهم شي الالم يخف
واحلى سيفون لي ولااعطتني وجه
ومن بعد المغرب بدات الولاده خلاص وكانت ممرضه اللي بتولدني تخيلو ع طلوع الراس الا دكتور سوداني ومعه مطبق سعوووووووووووودي ؛ انا خلاص منتهيه ووجهي الوان وهو فاااااااااااضي جالس يشرح للمطبق كيف يطلعه ع طول صحت بدون شعور خلاص طلعه << حقدت ع نفسي بعدين لما صحت بس عذبني جالس يشرح وانا منتهيه الم
طبعا من الصبح وانا راجه زوجي اتصالات وطلعني وابي عمليه ورجييييييييييييييييييييييته وهو يقول شوفي اذا جوني قالو ولادتك متعسره ولازم اوقع بااوقع وقتها بس اذا كل شي ميسر احلمي اطلعك من هنا
<< حقدت عليه من جد
ومن كثر ماادق وابكي اقوله تعبانه خلاص طلعني طفش مني
اوووووووووووووول ماولدت بكيت فرحه مو مصدقه اني انتهيت واني لسه حيه بعد هالالم :041:
قلت للممرضه هاتي جوالي بسرعه <<< فايقه البنت
ودقيت ع زوجي قلت ولدت ولدت وابكي
تخيلو وش قالي قال طيب طيب وسكر الخط على باله اني انهبلت ماصدق اني ولدت
وربي فطسسسسسسسسسسسسست ضحك لما قالي بعدين قال افكرك انهبلتي قمتي تخيلين انك والده وانتي باقي
وغسلوه واخذته معاي الغرفه وغيرت ملابسه وضميته حسيت من جد اني ولدت مو زي العمليه جلست فتره مااقدر حتى اشيله
وهذا هم صارو رجالللل واحد عمره 6 سنوات والثاني 4 سنوات وللحين شايله فكره الحمل نهائي
الله يحفظهم ويصلحهم يارب
واللي بتسالني وش احسن اقولك كلهم تعب وانشاء الله ربي يكتب اجرنا ويغفر لنا في امهاتنا
بس الطبيعي اهووووووووووووون بكثير لان اوك الم وتعب وكرب بس ع طول لحظات وينتهي كل شي وتضمينه لصدرك تحسين كل تعبك والشهور الثقيله اللي مرت عليك تهون بهاللحظه
والله يفرج ولاده كل وحده دخلت موضوعي ؛ ويرزق كل محرووووووووووومه يارب
هذي قصتي واعذروني ع الاطاله
سلامو :066:
