تجربتي مع السدر

السلام عليكم ورحمة الله وبركاته
بقولكم سالفتي اول وحدة تحب القصص خخخخ شعري من قديم الزمان ايام الجامعه كان مره حلو وناعم لكن بعد الولادات صار من سيئ الى اسوأ صار يطيح بكثرة واذا استشورته ما يزين مع اني اخذ فيتامينات وكانت امي الله يخليها ويحفظها دايم تقولي استعملي سدر تراه زين …وانا اقول معليش يمه هذا الاولين ما كان عندهم شامبو ولا يعرفون الكريمات ولاشي فما عندهم غير السدر على بالي فاهمة لكن عقب سنين قلت لنفسي ورا ما اجرب السدر بعد ما قريت عنه
والله العظيم لي اربع مرات اغسل شعري فيه حسيته مره خفيف وهابط عن ذيك الكشه من كثر الصبغات صاير من فوق أقصد بداية الشعر اللي مافيه صبغ مرة ناعم ولما امشط شعري ما اشوف الفرشه زي اول ملييييييانة شعر
ياليت البنات يجربونة ويرفعون تجاربهم هل انا على حق او اني اتوهم
طريقتي::اضع ملعقة سدر مطحون في سطل صغير مويه واحركه شوي واخليه لحد ما اخلص متحممة وغسلت شعري بالشامبو والبلسم عاد يصير ركد السدر المطحون في قاع السطل واصبه على شعري والباقي افرك فيه وجهي وجسمي وبعدين غسلي عقبه مولازم ينظف شعرك منه كله لأنه اذا نشف بيطيح الباقي حتى ماله ريحة
ادري طولت عليكم