عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام يابنوتات وياحريم
قبل فتره تحمست اسوي الكيراتين لأانه شعري مرره حلوه خخخخ وحده بكاشه الحقيقه شعري يحزن جاف وكيرلي وبما اني سمعت كثير من البنات انهم انغشوا في المنتج قلت دام انا باامريكا بجيبه معاي ووحده تسويه لي في السعوديه بعدين غيرت راي وقررت اسويه في امريكا لانو حسيت السعر افضل ولانه متأكده انو الصالون اللي هنا ماراح يغشني ويحط براسي كيراتين مصنع في لبنان ولا مصر المهم اليوم توكلت على الله ورحت الصالون والحرمه تجنن هالامريكان صريحين ماعندهم كذب ولف دوران مو زيي اللي عندنا الكلام الحلو ببلاش ويخلوكي تعيشي احلام ورديه وتنصدمي على واقع مرير اللي صار انو قالت لي ترى شعرك بيصير احسن بس مو كثييير يعني تخف نفشته وتقل درجة التطعيجات اللي فيه قلت اوكي
بخصوص الريحه ريحته خفيفه لكن عيوني شوي دمعت النتيجه كانت مرضيه ولو شعري يجلس كذا وناسه بس هي قالت ترى بعد اسبوع يبدأ يرجع شوي الى سابق عهده لكن اقل من اول بمراحل وقالت افضل شي كل 3 شهور تسوينه وطبعا اعطتني شامبو و بلسم و ماسك من نفس شركة الكيراتين وقالت هذول يكفوك 3 اشهر الى موعد الجلسه القدام
السعر كان 250 دولار شامل كل شي وطول شعري تحت اكتافي بشوي.
اللي تبي تتابع الموضوع حياها لاني كل بعد اسبوع او اسبوعين بجي اكتب كيف صار شعري. يعني عشان اللي بنتقدم على الكيراتين تعرف وش النتايج.
اشوفكم على خيرات وليرات ياحلوات
