تجربتي مع احلى ماسك للوجه والجسم لايفووووووتكم وخاص للحوامل

مكونات الماسك ::ترمس مطحون
سدر مطحون
سبيد اب بودره
كركم بودره
زبادي
عسل
كلها كميات متساويه بس الكركم نصف الكميه واقل كمان

بالنسبه للوجه حطيها بشكل يومي لمدة اسبوع
الاسبوع الثاني يوم ويوم لا
الاسبوع الثالث حطيها 3 مرات او مرتين باللاسبوع
وكلها طبعا طبيعيه يعني لو تقعدين يوميا تحطينها ماراح تضر بس الماسك دايم هدي طريقته لان بشرة الوجه رقيقه ممكن تتحسس فهدي انسب طريقه
الوقت :: من نص ساعه الى ساعه ولما ينشف افركيه بشويش بحيث انه يقشر الوجه بعدين غسليه بمويه وطبعا قبل تحطين الماسك تنظفين وجهك بالصابون اللي يناسبك انا استعمل صابون نيتروجينا

بالنسبه للجسم تحطينه اقل شي 3 مرات باللاسبوع واللي تبي نتايج اسرع تحطه بشكل يومي
افرديه على جسمك وهو ناشف وخليه لين ينشف يعني من ربع الا نص ساعه بعدها افركيه بيدك وراح يتقشر معاك واغسليه بمويه وبعدها الشور جل اللي يناسبك

وفيه كريم استعمله قبل النوم يجنن بس نتايجه شوي بطيئه بس روعه
مكوناته ::فازلين مو اللوشن الفازلين حقنا الثقيل الصغير
كريم جليسوليد كبير
3 بيضات
6 ليمونات من الكبيره
2 ملعقه نشا
وحطي معاهم اي لوشن يناسبك انا احط دوف يالخيار والشاي الاخضر ريحته مره حلوه
وترا خلطة الكريم هدي مافيها ريحه ابد ومريحه
حطيها بالليل واغسليها الصباح
لما تغسلينها بالمويه حطي صابون مغربي سايل بالجليسرين او الكركم افرديه على جسمك بعدها جيبي ملح الحليب وافرديه فوق الصابون على جسمك كله خليه مدة 5 او 10 دقايق بعدها جيبي القفازات التقشير اللي من بودي شوب وبليها بشوي مويه وابدئي افركي جسمك بس لاتجرحين نفسك
بعدها اغسليه بمويه بس وحمام الهنا وشوفي النعومه والتفتيح الرهيب 😉

ملاحظـــه :: انا استعمل في بخاخ موية ورد وليمون وزيت جليسرين بعد كل شور وبعد كل ماسك وبعد كل وضوء ابخه على وجهي واخليه عادي راح تلاحظين فرق مع البخاخ روووووعه بس اهم شي يحفظ بالثلاجه عشان الليمون