تجربتي مع إزالة الرؤوس السوداء (=

كـــ عام و إنتوا بخيـــر ـــل ، رمضان كريم يا أحلى فراشات 😉

—————————-

الحكاية و مافيها إني انسانة كانت تعاني من الرؤوس السوداء على الخشم ، و جرّبت مستحضر تجميل لإزالتها ومافاد معاي شي ، ممكن لأني ماكنت أداوم عليه بشكل منتظم

بس الغريب إني جرّبت شي في البيت من مرة وحدة و راحت الرؤوس السوداء و يشهد الله على ذلك 😆 hy:

الطريقة إلي سويتها :

أخذت قارورة فاضية و عبّيت نصها ” خل تفاح ” و النص الثاني موية ورد >>> عشان أخفف من تركيز الخل

و فركت فيه خشمي و وجهي ، و إذا تبغون الصراحة ، حسيت إنو وجهي قاعد يحترق من الحرارة بس خليته وماشلته

كلها 5 أو 10 دقايق و جف الخل من وجهي و رحت غسلته ، و الله يا بنات إن الرؤوس السوداء راحت ، و الله شاهد على كلامي .

و إذا تبغون الحقيقة ، أنا ماكنت مسوية هالخلطة علشان الرؤوس السودا

سويتها علشان الحبوب إلي في كتفي ، 😆 idea: لأني سمعت إنو الواحد إذا فرك الجلد بـ خل تروح الحبوب 😥 فـ سويتها و كـ تجربة حطيته على وجهي و صار إلي صار 😆 🙄

————————

ملاحظات :

1- راح يحرق وجهك في البداية بس استحملي ، و لما يجف غسلي وجهك بالصابون ، عن نفسي استخدمت صابونة ” ديتول ” لأن الحلو فيها إنها ماتنشف الوجه >>> نصيحة على الطاير

2- الخلطة ماراح تاخذ منك أكثر من 10 دقايق ، ياليت تجربونها و ترجعون تكتبون تجربتكم علشان بقية البنات يتشجعون 😆 🙂

3- إلي تجربها و تنفع معاها بإذن الله ، لا تدعي لي أنا ، تدعي بس لأبوي إنه يردهـ لنا سالم من سفرهـ و يحميه من شر المرض