عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا كروشات عساكم استمتعتم بقصتي مع ولادتي الاولى :087:
الحين ودي احكي لكم وش صار معي بالباقي.. :020:
بولدي الثاني يا بنات تاخر الطلق الى بعد التاسع مع اني مشيت اكثر من السابق و شربت دارسين و زمزم و صرت ادف عربية بنتي بالشارع لما امشي ( طبعا لما صار عمر بنتي 6 شهور على طول حملت بالثاني ) المهم رحت للدكتورة و قالت لي الرحم مفتوح 6 سم ما شاء الله بدون الم و لا طلق و لا مويه ولا شي الدكتوره اقترحت علي الطلق الصناعي لكني كنت خايفه و قالت الدكتوره لك مهله 4 ايام لو ما ولدتي لازم نولدك و الله يا بنات رحت البيت ما بقى شي ما سويته آخرتها خفت على جنيني انه يتبرز داخل و يتسمم:062: .. استخرت ربي و بعدين اتكلت على الله و رحت سويت طلق صناعي خفيف يعني حطولي سائل خفيف في المغذي .. و الله يا بنات نص ساعه من العذاب المتواصل و ولدت ما شاء الله لان الرحم اصلا مفتوح لكن ضقت عذاب ما اقدر اوصفه وبعده جراحه و الله اني ظليت انزف بقوة من الجراحه لين حطولي ثلج داخل تخيلو .. و جاتني حالة هستيريا من الصياح:042: .. صحت بجنون حتى زوجي ما قدر يهديني و البيبي ما اذكره عدل ذاك الوقت .. ما هديت الا بابرة مخدر .. اي و الله ما ادري ليش بكيت ذاك الوقت ؟
و ولادتي بالثالث جاني الطلق فجاة لاني لاول مره اشرب خروع و ما توقعت يجيني الطلق فجاة رحت و ولدت بمستشفى الله يستر عليه و عذبوني و سوولي جراحه تجميليه من برا و من داخل بدون رغبتي و ملتهبه بعد ..:059:
اما ولدي الرابع يا محلى ولادته مع انه تاخر و شربت الخروع اللي ما انصح احد فيه و لا فيه فايده .. وحده جنوبيه حلفت اني لو شربت قشور القهوه و الرحم مفتوح بيجيني الطلق بسرعه:0149: و فعلا يا بنات و الله شربته العصر و مشيت و يوم جات الساعه 4 الفجر اول مره ينزل معاي ماي بالبيت و رحت المستشفى و جاني الطلق على طول و ولدت بسرعه الحمدلله ..:0146:
و هذي المره الله اعلم وش بيصير لي عسى الله يسهل علينا كلنا و يرزقنا الذريه الصالحه:02:
و اسفه على التطويل.:090:
عن ahmadsab
شاهد أيضاً
اقوى علاج للعقم
بسم الله الرحمن الرحيم السلام عليكم ورحمة الله وبركاته إلى كل من شهد الليل دموعها …