تجربتي في مستشفى الحبيب الجديد للولادة

وصلنا لباب الطواريءتم دخال اختى عيادة تم فيها الكشف عليها من خلال الطبيبة المناوبه بواسطة اجهزة جديدة حيث تتابع الممرضات الطلق و نبض الجنين عن بعد
بعد كذا لما عرفوا ان اختي معاها الطلق اشتد والرحم مفتوح اخبروا طبيبة اختي وكانت الدكتوره رنا
بصراحه تفاجأت بحضورها بسرعه عرفت بعدين ان سكنها على بعد خطوات من المستشفى
بصراحه هذي الدكتوره انسانه رائعه خاصه لما تنتهي الولاده تقول اختي انها احتضنتها وتحمدت لها بالسلامه
وكمان عندهم ميزه ثانيه ان البيبي ينظفونه قدام الام يعني مو في غرفه ثانيه لانى سبق ان ولدت في مستشفي الحمادي وماشفت مثل كذا
وكمان ختي جلست في غرفه الولاده ولم تنتقل منها لغرفه اخرى يعني من تدخلين وانت خلاص مايعذبونك بالتنقل بتكونين بالغرفه الى ان تنتهي على خير وتطلعين جناحك او غرفتك.

الممرضات بصراحه كلمة روعه قليله بحقهم بصراحه يساعدونك ولما عرفوا ان اختي بكر جلسوا يشرحون لها كل شي عن الدفع ومتى يكون .ويدلكون الظهر ويكفي بس انهم جالسين يسمون عليها ويذكرونها ببعض الاحاديث لانهم عربيات شكلهم اردنيات

جلست مع ختي الى ان حان وقت الولاده طلبوا مني الذهاب للاستراحه وهم بيتولون كل شي ( ابشركم جابت حمودي ) جائتنى موظفة سعودية وباركت لنا وقالت ممكن تتنظرون في الجناح لين تطلع لكم وتطمنون عليها بصراحه كانوا رائعين بكل مافي الكلمه من معنى.
صحيح ان الجناح غالى.. بس لما شفت لخدمة صراحة يستاهلون واقولكم بعد تخيلوا ان كل دور في قسم حضانه يعنى ماله داعى ينقلون الاطفال من دور لدور زى بعض المستشفيات يعني جو صحي وحراسه مشدده على كل حضانه.
وبعد كان في الجناح نشوف حمودي في سريرة مركبين على كل طفل كاميرة كانت اختى لما تبي تشوفه تحط لقناة على حمودي ،
وبعد كان نظامهم في لاكل ممتاز تخيلوا ان لاكل يجبيون من دايت سنتر ،