تجربتــــي مع زيت الحشيش الباكستاني

خواتي العزيزات انا جايه اليوم اقولكم تجربتي مع زيت الحشيش (الباكستـــــاني)

طبعا اولا وقبل كل شي اللي بتسألني من وين اخذته …بقولكم

انا مرة بالصدفه كنت رايحه للعطار مع امي ..وسمعت العطار يقول عندي زيت الحشيش الباكستاني الأصلي

يطول الشعر وينبت ويخفف التساقط

طبعا انا وامي كنا مرة خايفين من زيت الحشيش من البلاوي اللي سمعنا عنه

انه يبهدل الجسم ومو كويس ومن هالكلام

وسألنا الرجال ..وقالنا انو هالكلام مو صحيح

وبصراحه انا حتى عقب ماقالي الرجال هالكلام وانا لسه مو متطمنه 100%

وجيت النت وبحثت ..ولقيت هنا بالفراشة مواضيع فيها فتاوى شيوخ يقولون انه حلال مادام نبتة الحشيش اصلا طيبه وحلال مالم تدخل بها المواد المسكرة او شي زي كذا

فتطمنت من ناحية الحلال والحرام ..لكني بقيت خايفه من الآثار الجانبيه عالصحه

المهم انا اللي حادني عليه انو انا شعري من قدام خفيف لدرجة انو فروة راشي من عند الغرة تبين

فتوكلت على الله واشتريته من عند العطار والله العلبه صغيرة وبـ 100 ريال
والزيت لونه اخضر

وقالي العطار طريقة استخدام الزيت هي كالتالي ::

تكون فروة راسك نظيفه ومغسولة بشامبو

تحطيت الزيت على شعرك (وانا استنى شعري اول ماينشف عقب الشاور ..واحطه)
افرك وادلك فروة راسي وانا احط الزيت

البس طاقيه بلاستيك على شعري ..عشان ينكتم الزيت وتتشربه فروة راسي ويستفيد منه شعري

واخليه يوم كــــامل

وطبعا عقب ما ازيته اجدله وبعدين البس الطاقيه

وبعد اليوم الكامل ..اغسل شعري بشامبو (اي شامبو)

واحط بلسم او بديل الزيت من بانتين

ولما اطلع من الحمام احط اي كريم تصفيف (النوع اللي مو دهني وينحط وماينغسل)

واترك شعري مفتوح ومرتاح

—————————————————-

انا اتكلم بالنسبه لنفسي وتجربتي انا وما ادري عن الناس

عقب اول استخدام ..حسيت بجد بالفرق

والله ثم والله طول شعري تقريبا نص سانتي

صار نااااعم ولماع ويهبل

بدا ينبت لي شعر من قدام بجد

…وهذاني مستمرة عليه والحين وانا جالسه اكتب الموضوع توني حاطته لثاني مرة

واذا استمر معاي كذا راح استخدمه دايم وكل ما خلص راح اشتري

بس انتبهوا يابنات نصيــــــــــــــــــــــــــــــحه لا تاخذون زيت الحشيش اللي معبى من شركات ومغلف بكرتون وعليه كلام دعاية ياخذ العقل

لآن العطار اللي انا اشتريت من زيت الحشيش الباكستاني ..يجيبه طلبيه وتعبئة باكستان ..وحتى وراني كرتون مكتوب عليه زيت الحشيش ..ودعاااااااايه وكلام حلو مرة من شركة والله نسيت اسمها وحتى مكتوب على العلبه ..الســــعر (125) والعطار قالي والله العظيم ..اذا تبينه خذيه بـ40 ريال ..بس ماراح يفيدك بشي

….
تمنياتي للجميع بالتوفيق

حبيت افيدكم بتجربتي لأني لما جيت ادور تجارب البنات قبل لا اشتري الزيت مالقيت

اختكم في الله ..انثى لاتستسلم للألم