تتوقعوآ هالمشكله لهآ حل ؟!!

فاضت بي همومي وتحلقت بي .. وأرجو ان اسمع مشورتكم لعل فيهآ مآ يرشدني الى صوآبي و يحسم أمري من بعد استخآرة الله جل في علاه

مشكلتي بدأت بيوم ملكتي .. وافقت على الزواج بعد ان سمعت من ابي انواع المدح والاطراء عن العريس .. وافقت على الرغم من خوفي من الكلام الذي اسمعه عن اسلوب امه السيئ مع كل الناس .. ولكن النصيب

وبيوم ( الشبكه ) كان كل شي تمآم حتى جآء وقت الزفه .. وبدأت امه فجأه تسب وتشتم وتنهآل على اختي بانواع الشتائم واللعنآت .. بدون سبب يستحق .. فقط لان اختي طلبت منهآ ان تذهب الى ( الكوشه ) وتزف ابنهآ .. رغم ان الخسآير كلهآ علينـآ واهله مادفعوآ شي يومهآ .. كله علينآ من الاسترآحه للعشآء والجسيس و لكل شي

ومع هذا الوالد عدى الموضوع ولكن طلب ان تعتذر لامي واختي ..

ثم حددوا يوم الزواج انه بيوم 9 العيد بدون اخذ رأي اهلي اذا اليوم ينآسبنآ او لا .. ولا استشارونآ بأي شي .. وربي حتى كروت دعوه مااعطونآ حتى نعزم ولا نعرف وش شكلهآ !!

ومع هذا الوالد عدى الموضوع ولا زعل منهم .. وافترض لهم اعذار حتى لا تكبر المشآكل

وكآن يسمح لخطيبي انه يجي لعندي بكيفه بدون مواعيد مسبقه ولا استأذان من الوالد

/

الان بعد مرور 3 شهور على مشكلة ام خطيبي بالشبكه وتلفظهآ على اهلي بالفاظ غير لائقه .. جآء والد خطيبي لابي وأنكر ان ام خطيبي افتعلت مشاكل في الشبكه .. ويطلب من أبي شهود بان زوجته افتعلت مشآكل .. و يتصرف بعصبيه وكأننآ الغلط وهم الصح

هنـآ ..

انقلب ابي 180 درجه وصعُب الامور .. فااتصل على خطيبي .. وأخُر موعد الزواج لبعد الحج و ان يكون بيتي بعيد جدا عن بيت اهله لانه استأجر شقه قريبه من بيت اهله و انتهى من ترتيبهآ وتأثيثهآ ومنعه من زيآرتي ومن دخول بيتنآ

::

المتوقع لدينآ من اهله الاعتذار او التفاهم .. ولكن
ارسل والد خطيبي رسآله الى ابي نصهـآ كالتآلي ..

وصل لي عن تأجيل الزواج و شرط البيت .. اذا ماتبغى الزواج بموعده .. اذن موعدنـآ بالمحكمه بعد العيد
بذمتكم هذا كلام رجال صآحي !!

مشكلتي الان …

ان خطيبي ليس لديه شخصيه امام ابوه وامه .. ومعتمد عليهم اعتمآد كلي .. فابوه هو من أثث الشقه و رتب امور الزواج وحتى كروت الدعوه لا يعلم مافيهآ وكيف شكلهآ الا بعد ان طبعهآ ابوه .. اما امامي فهو عنتر زمآنه ويحب فرض رأيه و أوامره علي

والان والدي يرى ان الخلع هو الانسب … لان زوجي لا يستطيع ان يتصرف امام اهله ولا يردع اي تصرف خآطئ منهم

ابي رايكم كيف اتصرف معاه .؟ واخليه يبعد عن شو اهله
والله لو اهله طيوبين .. كانت تهون .. بس البلا ان امه ماتحب تفرح ابد 🙁
تجيهآ حكه ان فرحت دقايق

هو يحبني منذ كنآ جيرآن .. كآن عمري 10 سنوآت .. وهذا ماارغم اهله على التقدم وخطبتي .. فقط لانه يحبني وليس رغبة فيني .. هذا مااشعر به ومايجعلهم يختلقون المشاكل من اجله

اضافه لذلك …

شخصية خطيبي غريبه .. فجأه يقلب الموضوع عليك وتطلع انت الغلطان .. قبل اسبوع تقريبا _ تكلمنآ بخصوص اهله واهلي والزواج وطلبآت والدي ..

فقلت له .. ان طلب والدي غير صعب .. لاننا انا وهو متفقين اننا راح نغير الشقه بعد انتهآء عقدهآ .. لكن تفاجأت بانه يتهمني باني اضغط عليه واني لا اهتم لمصلحته .. اني قلت انه هو كذاب رغم اني والله العظيم ماقلت .. بس سألته انت وعدتني نغير الشقه ولا تكذب علي ؟!

عصبت عليه وقفلت الخط بوجهه وماكلمته من اسبوع .. وحتى اذا اتصل ع البيت اصرفه .. مو قادره اكلمه بعد اسلوبه هذا

تكفووون كيف اتصرف معآه ؟؟ وهل اكمل معاه ولا ننفصل افضل ؟

امس فتحت جوالي ورديت عليه عادي .. وللحين الموضوع معلق ..
بليز .. ابي شوركم .. كيف أخلي الزواج يتأجل .. باقي 3 ايام ومايمديني اضبط اموري واشوف نفسي شوي .. بنات الخلق بشهور ويالله تخلص .. شلون ب 3 ايام !!!
وامي تحلف انه لو يصير بيوم 9 ماراح تحضر زواجي لا هي ولا اختي .. تخيلوا يوم فرحك ولا عندك اقارب ولا حتى امك
ابوي كل يوم له رأي .. اما الزواج بموعده او طلاق !! < حسيت انه ابو زوجي مو أبوي
مع ان ابوي هو اللي أخرني وقال لي لا تسوين شي يمكن الزواج يتفركش و الحين غير رأيه 💡

تعبت من التفكير .. وربي فيني الصيحه ولا قادره اصيح .. احس راسي شيب حسبي الله عليهم .. بليز اللي عندها راي تقول له وتشور علي ..