عالم البنات النسائي كل ما يخص المرأة العربية من ازياء وجمال والحياة الزوجية والمطبخ
موضوعي اليوم عن الغمازات تابعوني وياريت تستفيدو يا حلوات
بداية خلونا نعرف ليه وحده عندها غمازة والثانية لا :
يقولون إن الغمازات تنتج عن خلايا ميتة في الجسم .. واكثر شي تكون في الوجه
وأجملها طبعا على الخد والدقن.
في ناس تروح تسوي لها غمازات صناعية .. وذلك عن طريق العمليات الجراحية بقتل الخلايا في المنطقة المطلوبة.
والله لو يذبحوني ماأعرض وجهي للعمليات علشان غمااازة
وأصير مثل هذه الممثلة شيماء علي وبدل ماتكحلها عمتها
حشى مو غمازة صارت حفرة
================
قالولي طيب لحظة شوي
في طريقة مكياج تصلحينها في البيت
وترسمين فيها غمازة على ذوقك
اول شي بعد ما تحطين كريم الاساس ابتسمي
وشوفي المنطقة اللي تبغين تحطين فيها الغمازة وحطي عليها طبقة من الكونسيلر بس تكون في منطقة محددة مش واسعة
بعدين تاخذين فرشاة دقيقة جدا وترسمين خط بسيط باللون البيج الغامق في وسط بقعة الكونسيلر
المهم بعدين انتي وشطارتك تحاولين تغمقين في مناطق وتفتحين في مناطق حول الغمازة بس لازم تظهر بشكل طبيعي لانه التغميق والتفتيح هو اساس السالفة كلها وحاولي ان اللون اللي حول الغمازة يكون موحد مع لون كريم الاساس عشان ما يبين الفرق.
أوكي طريقة حلوة
بس هل هي مضمووووونة ؟؟
والا أروح لعزيمه بغمازة
ونص الزيارة تنمحي
ويجلسون الحريم يطالعوني يدورون على غمازاتي
أنواع الإحرااااج كلها فهذه اللحظة.
ولقيت أخيرا أنجح طريقة لعمل الغمازات في البيت :
1- شرب العصير بالشفاط .. بتقولون وشولون وانا اقولكم انكم لما تشفطون خدودكم تدخل
2- كثرة نغز الخدود في الصغر … هما فيه مثل يقول العلم في الصغر كالنقش
على الحجر وانا مثلي (( النغز في الصغر غمازة في الكبر ))
وهو ان الواحد لما يكون صغير ينغزون خدوده
ومن كثر النغز يطلع غمازة.
3- كثرة الضحك … فالواحد لما يكون مبسوط ومتشقق فمه ينفتح على الآخر
وبكذا عضلات الخد تتقلص ويصير فيها حفريات قصدي غمازات.
4- تمييلة الفم <<== خصوصا عند الحريم ….وهذا الحالة للناس الي يغارون
كثير ومايرضيهم شي ولكن ذولا غالبا مايكون لهم غمازة وحدة والسبب ان تمييلة
الفم تكون على جهة وحدة.
هذي بعض ماطلع معي من دراساتي مع اني للحين ابحث عن سر الغمازة
الحقيقي.
بايات حبوباتي انشالله يعجبكم الموضوع
