تبغي حليبك يكتر اتفضلي ياعسل

حبيباتي فراشاتي **

بعد ما قرأت موضوع الأخت العسوله شروق عن الحليب قررت أحط لكم هدا الموضوع

وهوا يا قلبي انو شغالة أختي انسانه كبيره ومره طيبه ما شاء الله وجابتها أختي وهيا حامل فبدأت تعطيها نصايح من حقتهم

…. الخ

المهم في الهرجه انو في حاجه عند بقالة الجاوا < الأندنوسيين> اسمها < بـــــــــــــايم> هيا حاجه تشبه الجرجير انتي بس أشتريها وأسلقيها وحطي كميه كبيره لأن حجمها راح يتقلص وبس اشربي مويتها وكليها وتبغيها تسير أطعم حطي علها ليمون وفلفل أبيض

وهادي العشبه يستخدموها الجاوا الفقرا اللي ما يقدرو يشترو حليب يعني يشربوها في الشهور الخيره من الحمل ..

حبيت أفيدكم والله يسهل عليكم

لا تنسو أدعولي وعلى فكره موبس كلام ترى الهرجه مجربه والله وراح تشوفي بنفسك الفرق وأهم شي الإستمرار وكمان أنا سمعت انو عصير الخربز يدر الحليب