عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
شفت موضوع الاخت بنوته 90 وحبيت افيدها وارسلت لها على الخاص وبعدين قلت ليش ما افيد الكل قمت نسخت نص الرساله وحطيته لكم ..
اختي انا حاسه بمشكلتك من قلبي لان اختي زواجها زيك وانا استفدت كثيييير واحس حرام لو ما افدتك الحين وانت في امس الحاجه للعلم اللي عندي بس ابي منك شي واحد انك تدعين لي ان الله يعطيني ما اتمنى
ولما تشوفين التحسن تبلغيني ….
اولا : الركب والاكواع السود 
شوفي حبيبتي انا لفيت ودرت على الدكاتره والوصفات اغلبها وبعد خسرت تقريبا ما يعادل عشرة الاف ريال لقيت الحل والحمد لله اني لقيت الحل والله حتى التقشير سويته بس ما في نتيجه والنهايه كتبت لي الدكتوره كريمين تخلطينهم مع بعض بنفس النسبه وتحطينهم على مكان السواد اش ما كان (( اش ما كان )) اثار حبووووووب ,, ركب سوووود ,, اكواع سوووود ,,, المفاصل ,,, لان الشركة طبيه والله والله في شهر بس النتيجه 90% من دون مبالغه وتصلح لاي بشره واسالي حق الصيدليه او اي دكتوره
والكريمين هي :
1- HQ Skin Lightening Gel وقيمته 160 ريال سعودي
2- NeoStrata Face Cream Plus AHA 15 وقيمته 165 ريال سعودي
ماراح تلقينهم باي صيدليه انا لقيتهم عند صيدلية طاهر ولا تستخدمين الا هي ولا تاخذين اي بديل انت ما عندك وقت تجربين
بس انتبهي حطيهم بالثلاجه اذا خلطتيهم لانها طبيعيه ولونها يتغييير .
ثانيا : علبة الالوان اللي في الجسم مالها الا :::
الدلكه الفلبينيه واللي هي عباره عن :
كاس ملح (خشن ) تطحنينه الناعم مـــــــــــــــــــــــــــا يصلح
نصف كاس عصير ليمون
فنجان زيت زيتون
ملعقتين موية ورد
تخلطينهم مع بعض وتحطينهم بعلبه وقبل ما تتروشين تبللين جسمك بالمويه وتحطينها على جسمك بعد ما تحركين المواد لان الملح يترسب تحت وتفركين ربع ساعه كل جسمك وبعدين تخلينها عشر دقايق على جسمك وتتروشين عادي وتغسلين جسمك بشور جل ( صابون استحمام سائل ) وبعدين تنشفين جسمك وترطبينه باي شي تبغين وانا افضل بزيت زيتون الترطيب مهم وشوفي كيف النعومه والبياض راح تصير زي بشرة الاطفال والله ثم والله تحسين الفرق في النعومه من اول مره انت بس جربي (( تسوينها كللل يوم )) انت ما عندك وقت ولازم تتغيرين في 3 اسابيع اكثر شي واغراضها متوفرررره في كل بيت
ثالثا : الوجه انا ما اعرف ولا اي وحده تعرف لانك تقولين مسام وروس سوداء وحبووب حبيبتي روحي لدكتورة جلديه تسوي لك تنظيف بخار اول شي وتكتب لك شي يشيل الحبوب ويقفل المسام
موية الحلبة زييينه لنظارة الوجه وتفتييييحه بس لا تحطينها على خشمك وطريقتها تاخذين حلبه مطحوونه وتنقعينها في مويه حاره وتاخذين المويه تصفينها وتمسحين بها وجهك كل يووم ..
اووووه نسيت فيتتامين e من ارمال للمنتجات الطبيعيه حبه في اليوم مع شرب كثيييير من الماء تخليك روعه ب 60
اتمنى اني افدتك واتمنى انك تقدرين تعبي وتسوين اللي قلت لك لاني والله اعتبرتك اختي وكتبت لك موضوووع كااامل على حسابك وحرام تتفشلين قدام ابو الشباب ولا تشتتين نفسك في الوصفات شرق وغرب وفي النهايه جيبك يصفر وجسمك يقهر
مبروووووك عليك اللون الواحد ومبرووووك عليك الزواج:)
قبلاتي 🙂 😡
