عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
تعالوا واسوني والله محتاجتكم
كنت باديه في عملية الحقن المجهري بس ربي ماكتبلي اسوي العمليه
بسبب البويضات تكنسلت العمليه
حقولكم وصفة التنشيط لانها السبب في اللي صار هذا كلام الدكتوره
من ثاني يوم الدوره لمدة 10 ايام
مينقون 2 بودره و2 سائل
لما وصلت لليوم الثامن عملت سونار وتحليل لهرمون التبويض وقالتليلي الدكتوره عندك 5 بويضات كويسين بس نبغى زيادة بويضات
وفي اليوم 12 قالتلي عندك 9 بويضات بس المشكله كلها صغيره بس بويضتين حجم 14 و 16 وهرمون التبويض منخفض اكثر من المره الاولى وماينفع نكمل خلاص حنلغي العمليه وبعد يومين بويضاتك حتنزل من نفسها مثل كل شهر
كلام الدكتوره انو ماصار استجابه للمنشطات نهائيا
طبعا تقول السبب ان الجرعات كانت بسيطه مره خافت علي عشان وزني 41 وعمري 26
والله يابنات مره متحطمه هذي اول مره وصار كذا مدري ليه حتى العيد ماعيدت نفسيتي تعبانه
كنت متحمسه بس قدر الله وماشاء فعل
نفسي اعرف ليش ماكبرت البويضات وليش هرمون التبويض كان تمام وبعدين انخفض
شو السبب هل فعلا الوصفه مفعولها ضعيف او انا تبويضي ضعيف مع اني عملت تحاليل وسونار قبل كذا وتبويضي جيد ودورتي منتظمه
والله يرزق كل وحده ترد اوتدعيلي بالذريه الصالحه الباره
__________________
البحث عن مواضيع لنفس العضو
