عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم اخواتي
الله يتمم عليكم حملكم ويسهل ولادتكم
لو سمحتوا عندي اسأله واحتاج مجربات يردوا عليي ماتطمن قلبي من ردوود الدكاتره
انا بحملي البكري ولدت بالسادس انفتح كيس الماي بدون اي مقدمات وولدت وتوفى البيبي على طول
الموهيم……
انا ابي احمل وخايفه وصار لي سنه كامله مأجله سالفه الحمل بس احين زوجي قام يضغط علي يبي ولد وانا اخاف اولد مره ثانيه بالسادس او السابع لأن كل الدكاتره قالوا لي ممكن تكرر لي نفس الحاله بنسبه اكبر من باقي الحوامل ما ابي اولد مبكر ولا ابي يموت ولدي قدام عيني مره ثانيه تعذبت وكل ماقريت بحوث وسألت دكاتره قالوا لي نفس الكلام اني معرضه لتكرار القصه مع ان سبب الولاده انفجار الماء فقط وكان عندي زياده بسيطه فيه بس الكل اكد انه طبيعي ولايخوف ولكن ..
ارجوكم طمنوني من ولدت مبكر والحمل الثاني ولدت طبيعي؟؟
كيف اتجنب الولاده المبكره او حتى انفتاح كائ البيبي؟؟
ارجوكم طمنوني جزاكم الله خير واللي ماتقدر تفيدي ترفع الموضوع رفع الله قدرها
