عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
دكتورتنا الغاليه بنت النيل وأخواتي الحبيبات, بقولكم حكايتي بالتفصيل وأرجوا المساعده والمشوره , آخر دوره لي كانت في تاريخ 20 9وظهرت علي أعراض وحم في البدايه وبعدين الأسبوعين الأخيره لاحظت انها خفت وكنت شاكه بالحمل بس مو متأكده لأني سويت تحليل دم رابع يوم من تأخر الدوره وطلع سلبي وعدها كل أسبوع أسوي منزلي ويطلع سلبي الين أمس نزل أكرمكم الله دم فقلت أكيد دوره متأخره ونزلت ورحت اليوم المستشفى على أساس انها دوره وأبغا أعرف ليه تأخرت كل هالمده ولمن فحصت لي الدكتوره بالسونار صدمتني بالخبر قالت لي , (بصي يا ….شايفه اللي في الصوره دي ؟؟) لمن شفت ماكنت أبغا أصدق لأني شفت لأول مره اللي أشوفه بس في مواضيع الحمل شفت أحلى صوره تمنيت اني أشوفها من زمان وتمنيت انها تكمل لكن الحمدلله على كل حال قدر الله وماشاء فعل وقلت للدكتوره مو فاهمه لأني أبغا أسمعها منها, قالت:(دى كيس الحمل والنقطه الصغيره اللي جواه البيبي وعمره تقريبا 5أسابيع لكنه ماكتمل الحمل وتوقف عن حد معين ولازم نعمل تحليل للهرمونات عشان نفهم ليه الحمل ماكتمالش) وموعدي يوم الخميس الجاي لمعرفة نتيجة التحليل ,
عفوا على اللإطاله بس حبيت أقولكم كل شي بالتفصيل وياريت تفهموني ولي مرت بهالتجربه ليه الحمل مايكتمل؟ واش ممكن تكون نتيجة التحاليل ؟؟وهل ممكن تتكرر هالحاله؟؟ وهل للصبغ الشعر وتشقير الحواجب في قرب موعد الدوره تأثير على تكوين البيبي؟؟؟
يابنات أنا موزعلانه لأن ربنا كريم وقادر يعوضني وايماني فيه كبير انشاء الله بالعكس زاد الأمل وانشاء الله اني أشوف حملي وأتابعه 9شهور وربي يكمل فرحتي بأحلى توأم يارب العالمين وكل من يتمنى , يابنات صحيح الحمل ما اكتمل بس صار :de43r واللي سويته اني واظبة على الرياضه والقلوكوفاج والفوليك أسيد من الناحيه الصحيه ومن جهه ثانيه واظبة على اللإستغفار وقرآة سورة البقره كل ليلله وانشاء الله ربنا قريب حيعوضني ويعوض روزوكل من أسلبت وكل اللي ماحملوا ويتم علينا بحمل سليم معافى قولوا آمين,,
