بنتي وبنت صديقتي الله يهديها

السلام عليكم
تعرفت على وحده قبل سنه في ملتقى واخذت رقمي وانا بعد اخذت رقمها بصراحه الحرمه طيبه وحقت سواليف وضحك ووناسه وبيننا زيارات وتجيني واجيها او نتقابل برى البيت في ملاهي او سووق
هذا الاسبوع كان زوجي مسافر وهيه زوجها مسافر اتصلت علي قالت تعالي نامي عندي وخلينا ننبسط خميس وجمعه قمت انا حلفت ودقيت الصدر قلت لالالاوالله تعالي انتي عندي لاني بصراحه ما احب انام الا في بيتي
وفعلا جات هيه وعندها بنت وولد المشكله الحين مو في الحرمه المشكله في بنتها وطبايعها الشينه
بنتها الله يهديهامره قليلة ادب وما تسمع الكلام وتضرب بنتي على الطالعه والنازله وتسحب شعر بنتي وتخرب غرفتها وتكسر العابها وبنتي مسكينه ياغافلين لكم الله ماعندها الا تبكي من القهر حتى ما تضربها ابدا لانها مسالمه ودي تضربها عشان تبرد حرتي فيها بس بنتي لا مو كذا واذا خاصمتها انا بصراحه استحي من الحرمه ضيفه عندي واخاصم بنتها فارجع ادخل بنتي غرفتها وافتح لها الdvdواسيبها تتفرج بس برضه البنت ما خلتها في حالها تجلس تهز الباب وتبكي تبغى تدخل عندها حتى لمن اجهز لهم اكل واعطي كل وحده في صحن تخلص اكلها وتقوم تسحب صحن بنتي وتاكل اكلها وفوق هذا كله تروح تدق على باب الجيران وتهرب وتصحيهم من النوم او تطلبهم في شيبس وعصير وامها ساكته ولا كانه صاير قدامها شي ولمن تجرات وقلت لها عن بنتها قالت انا ما ابغى اعقدها مصيرها تكبر وتعقل_ يالله وش ذا التفكير _ وفووووق هذا كله تدخل الحمام وتلعب بالصابووون والمويه ومره ثانيه حصلتها تستخدم فرشه الاسنان حقت بنتي انا بغيت انجنن منها ودي اتقفل عليها في الحمام واتوطى في بطنها .
انا ما ادري كيف اتعامل معها هل اقطع علاقتي معها واتجنبها او اذا اتصلت علي اعتذر واقول لها ما اقدر استقبلك مع ان زوجي يقول خلاص اقطعي علاقتك معاها .
وانا يمكن اكثر شي حاز في خاطري بنتي ما اتمنى اتعامل معها باسلوب يضيع شخصيتها واقفل عليها كل ما جاتني اوووو اخليها تجلس مع بنتها وتاخذ الطباع الشينه منها .
اتمنى تفيدوني كيف اتعامل مع الحرمه وكيف اتعامل مع بنتي واقوووووي شخصيتها؟