بنتي والرضاعه الطبيعيه

السلام عليكم بنتي عمرها شهرين والحمدلله هادي الشهرين كلها رضعتها طبيعي مع شي بسيط من الصناعي لكن دحين احس في مشكله حصلت حليبي سار خيف زي المويه مع انه الحمدلله كثير لكنه مايشبعها من خفته ودايما تبكي وعندها غازااات ماتنام من المغص ودائما تستفرغ حصنتها قريت عليها اعطيتها ادويه للمغص ووديتها للطبيب بس ماني عارفه ايش المشكله الرضاعه ملخبطه وماني قادره انظمها لانها مابتشبع ماني عارفه ايش اسوي تعبت وبزياده وزنها بدأ ينقص كله من لخبطة الرضاعه ماسرت اعرف هي جيعانه ولا ممغوصه تركت زوجي وبيتي وسرت طول وقتي معاها ياارضعها يااسكتها اختي قالتلي اني كدا باتعبها بدال ماافيدها ومن يومها وقفت صدري وسرت اعطيها الصناعي البنت اتغيرت ميه وثمانين درجه سارت تنام وهادئه واحس صحتها اتحسنت اعرف متى جيعانه ومتى ممغوصه لكن المشكـــــــــــله عندي تأنيب ضمييييير حزينه جدا اني باحرمها من صدري وماني عارفه ايش الصح؟؟مع اني ماحرمتها تماما واحيان اعطيها قبل النوم او اوقات ماتصحى في الليل خايفه ارجع لصدري تتعب وتنحف وفي نفس الوقت ابغاها تاخد المناعه والفايده من صدري ايش رايكم؟؟
سامحوني طولت عليكم بس مالي احد غيركم افضفض له