بنتي والامساك ابي الحل الله يجزاكم الجنه

قصتي مع بنتي طووويله ابسردها لكم واللي عندها خبره في هالموضوع لا تبخل علي
اول ما ولدت بنتي قبل شهرين بالضبط استخدمت لها حليب بليميل بلس وكنت ارضعها صناعي وطبيعي بنسبه متساويه بعدين نصحتني وحده قالت لي ان حليب بليميل بلس ما ينفع شوفي بنتي وغيريه قمت انا غيرته واستخدمت لها حليب اس 26 وماكانت تعاني ولله الحمد صح ان برازها قل عن اول كل يومين تتبرز بعكس قبل تتبرز يوميا ولما طلعت من الاربعين اخذت يومين ما تبرزت ويطير بها زوجي للمستشفى خايف عليها يعني قام الدكتور قال غيرو الحليب الطفل لازم في اليوم يتبرز مرتين ثلاثه وصرف لنا حليب سيميلاك قمنا عطيناها سيميلاك والبنت تغير حالها بعده اربع وعشرين سااعه صيااح وخلقها ضااايق واخذت لها خمس ايام ما تبرزت ونرجع للدكتور ويعطينا تحاميل ونحط لها ما في فايده ووديناها لاستشاري قال لا ليش تعطونها سيميلاك ثقيل رجعوها لحليبها الاول رجعناها لحليبها الاول الحمدلله صيااح ما فيه بس ما تتبرز الا كل يومين او ثلاثه وخلال هاليومين تطلق اصواات وروائح واذ1 تبرزت والله اتذكر حالتي لما ولدت فيها وقسم بالله اصيح يوم شفتها صح انها ما تصيح بس تززززحر << مدري لها معنى آخر او لاء
والمشكله اذ1 تبرزت برازها سائل يعني مو متماسك كان اقول فيها امساك
الاستشاري قال عطوها مويه بس هي راافضه الماء نهااائي ترجع اذ1 شربته قلنا بنوديها لاستشاري شاطر بالرياض نسال ونروح له بس قلت بطرح مشكلتي في الموقع واشوف يمكن احد يفيدني وربي تكسب فينا اجر اللي بتفيدني