عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يابنات…بنتي عمرها سنه ونص… من قبل امس عندها اسهال كلما عطيتها شي تاكله او تشربه لو لقمه تسهلها على طول…امس اسهلت تقريبا 5 او ست مرات ولو عطيتها اكل او شرب اكثر كان اسهلت اكثر…وانا نفسيتي تعبانه مررررررررره لأن قبل كذا صار معها اسهال لما كان عمرها 11 شهر وكان مصاحب لها احمرار شديد في منطقة الحفاظ ولما اخذتها للمستشفى قالو لي انها داخله في جفاف وعطوها تنويم يوم واحد بس هاليوم صار 3 ليالي من المعاناة و4 ايام لأنها ماخفت طبعا كانو حاطين عليها المغذي الله لايعودها من ايام تعبت فيها جسديا ونفسيا لأن بنتي شيطووووووونه الى درجه ماتتصورونها وكان قلبي يتقطع وانا اشوفهم يحطون لها المغذي وتصييييييييييييييح وتنظارني تبيني انقذها ❗ وانا مااقدر اسوي لها شي واذا هدأت تحاول تشيله وكان دايما تتحاول تتحرك وتبي تصعد وتنزل وتسوي كل شي لأن بنتي ملوله وحركيه كثير وكذا مره حاولت تشيل الابره الى حد اليوم الاخير شالتها وانا ماحسيت فيها هذا وهي ماكانت بعد تعرف تمشي…انا احاتيها الحين اكثر لأن زادت حركتها ووصلت لدرجه ماتتخيلوها لدرجة اتوقع لو لا سمح الله وديتها مستشفى وحطو لها مغذي ماراح تخليه خمس دقايق على يدها وانا خايفه عليها هذي ابره مو شي ثاني 😥
هل تتوقعون ضروري المغذي لها…وهل فيه بديل له…لا تقولون لي اشيا توقف الاسهال لأن المفروض لو لاسمح الله كان سبب الاسهال بكتيريا(مثل المره اللي فاتت)ماتعطى شي يوقف الاسهال تعطى فقط شي يقتل البكتيريا…
تتوقعون ينفع لها محلول الجفاف بدل المغذي؟
هل في مره حصل لكم زي هالحاله
ساعدوني الله يجزيكم الجنه…وسامحوني لو عورت راسكم بكثر الكلام بس والله عشان تفهمون عدل ليش انا ماابغى مغذي
