بنتي انخطبت بس المشكله عويصه

السلام عليم حدخل في الموضوع على طول بنتي جاها عريس وامه تصير عمتي وانا والبنت موافقين الزواج بدري مو دحين لان العريس لسه يدرس الام خطبت بنتي والولد جاء وشافها وتم الكلام بس حريم ويبغو يشبكوها على شان يصير الكلام رسمي المشكله انه ابوها يقولي ليش ما جاء ابو الولد وخطبها مني ونتفاهم على كل شى..و لاننا اول مره يمر عليا موضوع زي كده ماني عارفه هل الخطوبه كده تمام ولا …. انا قلت له يمكن عادته يجو بعد الشبكه الرجال ويجيبو المهر واتفاهم انتا معاهم على الامور اللى انتا تبغاها كده صح ولا افيدوني الله يسعدكم اللي بنتها انخطبت تقولي كيف اسوي قصدي متى يجو الرجال ويخطبو البنت قبل الشبكه ولا بعد مرررره محتاره ماني عارفه ايش اسوي