بنات نخيتكم تكفون تساعدوني اختي اخافها تنحرف

هي اختي من ابوي علاقتنا مع بعض الحمد الله ممتازه وانا اعرفها عدل عشان كذا ما تقدر تكذب علي لاني اعرفها من حركاتها وتصرفاتها

انا انخطبت قبل 4 اشهر وكنت مشغوله بالخطوبه وتجهيزها المهم حسيتها معاي بس فجأه انطوت على نفسها شوي عشان على كلامها تتعود على فراقي بعدها صارت عندنا مشكله شوي كبيره لاخوي من ابوي واهلي الله يهديهم صكو عليها شوي معا انه ماله علاقه بالموضوع , وصار ما عندها الا الكمبيوتر ومعا انها سابقا ما كانت تحبه, كان عندها جهازها الخاص بس ما تقعد عليه الا ساعات معدوده بس

المهم بعدها لاحظت البنت ادمنت على الجهاز وصارت ماسنجر وحركات ما كانت ابد تحبها قبل اسالها مع مين تقعدين قالت مع صديقاتي وحسيتها كمان معاد صارت تحب تقعد معنا تقول بروح انام وتروح بيتهم ( احنا بدور الاول وهم بدور الثاني )

امها صارت تقولي روحي اجلس معا ياجنا احتمال تعرفين شيئ ما اعرفه قعدت معها على الماسن وهي تتكلم ماسن وحسيت الوضع مو طبيعي وتاكدت انها تعرف شخص قلت استنى بس يومين عشان اتاكد اكثر

فجا الا وابوي صادها وهي تتكلم على المايك ابوي ما سمع كلامها بس تاكد انها تتكلم رجال ضربها ابوي سحب من الجهاز ,قالت له انه كان يكلمني في البدايه على انه بنت بس تو اليوم اكتشف انه ولد
وحن عليها ابوي انه اللعب عليها وصدق الوضع هي قالت لي انها قالت الشيئ هذا وهي تكذب
هي تعرفه صار لها تقريبا 3 اسابيع وتحبه ويحبها ورقم الجوال معه , قلت لها خلاص ربي ستر عليك المره الاولى خلاص بلا حركات قالت طيب
المهم انه هو حسبي الله عليه ما خلها وصار يدق على جوالها باستمرار
وكلمته وهاوشتها وصار يقول انه يحبها ويبيهاا طبعا هو جنسيته سوري واحنا سعوديين وانتو عارفين العادات والتقاليد
وخصوصا ان احنا قبيله متعصبه شوي بالامور هذي , فهمته وفهمتها ان الشيئ هذا غلط وحرام ولو يكتشف ابوها راح يذبحها ومن الكلام هذا
وبعدها قالت الي اختي انها قطعت وصدقتها في البدايه
بعد كم اسبوع اكتشفت انها مع اشخاص ثانين من جهازي على ايميلات ثانيه هي وبنت خالتها هاوشتها مره ومرتين وما نفع حرمتها من جهاز وجهاز اخوي
وعصبت مرره لما حرمتهاحاولت الا تقنع امها وابوي الا يعطونها الجهاز بدون انا ما ادري وعطوها لانها قالت عدها دروس وشغلات لازم تكون على النت , ورجعت زي ما كانت تكلمه وانا ما ادري

حاولت اقنعها اكثر واكثر وتحلف لي انها تركت الشخص السوري بس ما زالت معه , طبعا انا تزوجت وربي ما وفقني مع زوجي ورجعت بيت اهلي (زوجي تعبان )
واكتشفت انه مازالت مع السوري وعلاقتهم احسها قويت اكثر واكثر وصايره تكلمه بجنون , طبعا انا قبل لما قالت انه بتقطعه قلت خلاص شريحتك هذي سكريها واطلع لك شريحه ثانيه فاتوره وتبدين حياتك انسي الاشياء هذي, المهم انها الحين معطيته الرقم الجديد وصايره تقريبا يومين (الشريحه القديمه لاني اكتشفت انها ما سكرتها )تشحن 50 ريال والي عور قلبي اكثر ان الحين زوجه اخوي شاكه فيها لانها توها مسكره مني وتقولي انها امس طالبه اخوها شحن 50 ريال وعطها واليوم بعد تبي 100 ريال وانا تو معطيتها قبل كم ساعه 30 ريال ( زوجه اخوي ما قالت لي الا خوف عليها )

وطالبه ابوي نروح دبي السنه هذي لانه السوري عايش بدبي وما ادري ليه تبي تروح الله يسترنا يارب.

ما ادري ايش اسوي فيها ,,,,, ابوي ياناس عنده ماشاكل لا يعلم فيها الا ربي لو عرف ان بنت تسوي الشيئ هذا اخاف يصير له شيئ
تعرفون البنت غييير عن الولد وخصوص اختي هذي ابوي دايم يقول بريئه وتعرف عن الدنيا شيئ
وامها عندها سكر وضغط وكان عندها سرطان وتتعالج منها وشفت اثار المرض هذا