بنات مقهورة …. ابي رايكم

:

:

:

:

مرحيا بنات شخباركم

بنات صار لي موقف مقهورة بتجيني جلطه من القهر وابي اعرف رايكم بالموضوع

ياطويلات العمر انا معي ماستر انجليزي ومابقى مكان وربي ماقدمت وكل مره اتنازل واقدم باماكن غير زي المستشفيات ونحوة

فجاه جاني برودكاست بالبي بي عن تقديم وظايف معيدات بجامعة الاميرة نورة وفيه ايميل

ارسلت للايميل السيفي حقي وبعد يومين دقت علي وحده الساعه 10 الليل تخيلوا وقالت تعالي بكره الجامعه الساعه 10 وربع

طبعا رحت واتفاجا ان عدد البنات 10 مو لحالي وكلنا 10 وربع

المفاجاه مو هنا المفاجاه اعطوني ابليكيشن اعبيه

ومكتوب فوق اكاديمية الفيصل

سالت الموظفه قالت حنا متعاقدين مع الجامعه وندرس السنة التحضيرية

طبعا من الخانات اللي بالابليكيشن مكتوب الراتب المتوقع

انا من وظيفتي السابقة بالبكالوريوس يعطون 7 قلت الماستر مفروض اعلى بس يالله كيفه اي شيء

المفاجاه مع السوالف مع المتقدمات طلعت الوحيده اللي مقدمه بماستر وكلهم بكالوريوس

وطبعا انلطعنا الين 11 وربع تقريبا وبعدها بداوا المقابله معنا وحده وحده

اليوم دقت علي موظفه ثانية

ونفس الشيء الساعه 10 الليل

قالت لي نبيك تدرسين السنة التحضيرية براتب وقدرة 2100 ريال

انا وربي من الصدمه كنت اتكلم بكل هدوووووووووووووووووووووء

قلت حبيبتي انا معي ماستر

قالت هاه اجل راتبك 3000 ريال

بس وش تخصصك

>>>يعني ماناظروا الابليكيشن اللي عبيته 😐

قلت لها تخصصي وووالخ

قالت هو عقد مؤقت يعني موعقد دائم

قلت اشوف واكلمك

جتني صدمه يابنات

يعني انا ادرس 7 سنوات

4 بكالوريوس و3 ماستر

وبالاخير راتبي زي راتب السيكيورتي اللي ماتعب عمره ودرس 7 سنوات بعد الثانوية

حتى بالبكالوريوس المدارس الاهليه تعطي 3 الاف

ابن خلدون وربي 3 مرات يدقون علي ورافضه هذا قبل الماستر

فما بالكم الحين

بالله موب ظلم

يعني متعاقدين مع جامعه نورة

يعني اكيد هم يقتطعون جزء من المبلغ

والا وش دخلهم بالتوظيف بجامعه نورة

احس بكتمه بغلقه بقهر