عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم اخواتي
انا على وشك الولادة ودي بنظام نفاس امشي علية لان المنتديات مليانة كذا نظام ولاادري وش امشي علية ..
ودي اسأل عدة اسأله بودي تفيدوني فيها لانها محيرتني
1_ الحلبة متى اخذها في العشرين الاولى او العشرين الاخيرة لاني اخذتها بولادتي البكر من اليوم الاول ووقفت نزول الدم عندي ونتو بكرامة وتركتها معد كملت عليها وسمعت من الحريم الكبار ان الحلبة تستخدم اذا توقف الدم شوي في اليوم 8 او 10 من النفاس ويستمر عليها اسبوعين بعدين اقطعها ,,,
وش الافضل تؤخذ مطبوخة ولا لهوم ويشرب علها حليب …
2_ الرشاد متى استخدمه في العشرين الاولى او العشرين الاخيرة ناس قالو ماتصلح في الايام الاولى لانها تجمد الدم ماتخلية ينزل وتستخدم في العشرين الاخيرة وقالو ناس في الايام الاولى تنزل الدم والعشرين الاخيرة ترخي الرحم ..
3_متى بالضبط اغتسل بالمرة والملح هل من الايام الاولى او اذا طاحت الخياطة لاني كنت اغسل بالمرة من الايام الاولى وطاحت الخياطة قبل ماتلتأم وحاست علي وجاني نزف لان الخياطة انفتحت لان بعظهم يقولون ان المر يشد على الخياطة والافضل استخدامه اذا طاحت الخياطة وش رايكم ياللي مجربين
4_ متى ابدأ الكبو هل كل العشرين الاخيرة وكل يوم ولا يوم ورى يوم وش محتويات الكبو
5_ المر المنقوع مع الماء كم مرة اشربه في اليوم ومامقدارة ….
6_ وش محتويات الطبيخة وهل تغني عن شاي الاعشاب اللي اهو ( قرفة ويانسون وشمر وحبة سوداء )
بودي اهل الخبرة واللي فاهمين في هالامور يفيدوني ويفيدون غيري من الاخوات اللي احتارو في نظام يمشون علية
اسال الله ان يجعل ذلك في ميزان حسنات من ترد ويصلح لها زوجها وابناءها
